منتديات الموازين الرسميه - قصيدة راعي الطيب مطعون

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

- - قصيدة راعي الطيب مطعون (http://www.almouazeen.com/showthread.php?t=31416)

قصيدة راعي الطيب مطعون

http://islamroses.com/zeenah_images/zaj1.gif

صبحكم/ مساكم الله بالخير..

قصيدة .. .. نقلتها لكم

سميتها راعي الطيب مطعون

http://www.al-wed.com/pic-vb/711.gif

بمشي على درب له النـاس يسعـون
واصد عـن درب الدجـي والعتامـة

وبقصر اليسرة عن الضيـم والهـون
وطلـق يمينـي للصخـا والكـرامـة

وبحترم نفسي وانا شخـص ممنـون
ومن يحترم نفسة وجـوب احترامـه

ماني من اللي في ذرى الحيط يمشون
ولامـن اللـي معتلـي فـي مقامـه

متواضع وأمشي على الحـق بالهـون
متـوسـط المعـرفـة والشـهـامـة

ولي مجلس دايم لـه النـاس يلفـون
شرعـت بابـه والــدلال العـلامـه

مايفتـح الا فيـه الاجـواد يـدنـون
ويالله عسى اللـي يقـرب للسلامـه

هذا طريقـي وكثـر النـاس يـدرون
صديـت عـن درب حلالـه حرامـه

ميزت ربعـي بيـن عاقـل ومجنـون
واكشف بليـد المنفعـة مـن سلامـه

واهل المصالح لو على يـوم يبنـون
فـي يـوم ثانـي يرغبـون الهدامـه

واهل الحكي لو لك عن الناس يحكون
بيجيك يـوم ويقصـدك فـي كلامـه

لاصار سيفة لاقرب النـاس مسنـون
يضرب رفيقة وان اقوى في عضامـه

ناس مع الكلمـة يروحـون ويجـون
بـس المصيبـة يدعـون الفهـامـه

ولانيـب ديـان ولانـيـب مـديـون
ولا بغيـت مـن الهـروج المـلامـه

ولاطلبـت مـن المخاليـق يبـكـون
ولا بغيـت مـن الحزيـن ابتسامـه

بمشي بدربي واترك النـاس يمشـون
كلن علـى كيفـه رقـى كـل هامـه

ولا صرت انا من راعي الطيب مطعون
ابيستـوي قـرب الرفيـق وعدامـه

وأن خاب ضني بأقرب الناس وشلون
بعطيـك ضنـي يارفـيـق النـدامـه

اتمنى تعجبكم..

http://www.al-wed.com/pic-vb/711.gif
:

تقديري
سع ـوـوديه ع ـزيزة نفس

م/ن