منتديات الموازين الرسميه - محاوره بين الشاعر تركي الميزاني والشاعر ملفي المورقي

بسم الله الرحمن الرحيم

جبت لكم محاوره بنت الشااعر((تركي الميزاني)) والشااعر ((ملفي المورقي))

CENTER]اليكم المحاورة

تركي الميزاني :

أستأذنك يا سيّـدي يـا كحيـلان
أستأذنك لحظات كله على شـان
بسري على الشّعار والبال طربان
سبع الأراضي تحت سبع السموات

ناوي ٍ لي نية ٍ فزمالايه من عصيـر
وإن سمحلي سيّدي ملفي أول ما أذبحه
أنت يا ملفي تغيّرت فالوقـت الأخيـر
مير قِدمي تقفـل البـاب ولا تفتحـه

ملفي المورقي :

يا سيّدي يا منبع المجد والجـود
أنته ولد خالد وخالد مـن العـود
شوفك يشرفني ليا صرت ماجـود
سبع الأراضي تحت سبع السموات

ودي أستأذنك لحظة بتركي يا الأمير
ودي أشده شويّه وأشيلـه وأطرحـه
أنت لا شاعر خناذف ولا شاعر مطير
والله إنك وسط كفّي سواة المسبحـه

تركي الميزاني :

أكرب حزامك وأحتزم يا ولد روق
والصبر زين وكل مطرود ملحوق
لا بد فالميدان أروقـك وتـروق
سبع الأراضي تحت سبع السموات

جابك الله في يديني بعد جينـا عسيـر
وأنت في بعض المواقيف مالك مصلحه
وأنت لا شاعر عتيبه ولا شاعر كبيـر
كل ليل ودمع عينـك بكفـك تمسحـه

ملفي المورقي :

حلفت يا تركوه ما أكرب حزامـي
ما دام فالميقاف حطـوك أمامـي
ما أنت بخلف ولاّ رشيد الزلامـي
سبع الأراضي تحت سبع السموات

يالغليّم مـا يشيـل الحمـول ألا البعيـر
وأنت حاشي تهبـد الرجـل ولا ترمحـه
طيع شوري روح وأرقد على هاك السرير
خل فوقك شرشف أبيض وتحتك مطرحـه

تركي الميزاني :

أنته سواة الغصن تومي بك الريـح
مجروح من ضمن العباد المجاريح
ما أنته بأبن سلمي ولا أنته شليويح
سبع الأراضي تحت سبع السموات

الرغى عيب الجمـل لا رغـا بعـد الهديـر
..............................................
ليت أبو وافي يـدوّر مـن عتيبـه شويـر
قبل أقص عروق قلبـه بسيفـي وأجرحـه

ملفي المورقي :

لا يا حليلك يا هذه الضلع يا اللي
راسك على روس الجبال متعلّي
تراك دلو ٍ وسـط بيـر امتدلّـي
هذه الصحيح وقولوا اللي تقولون

والله إنك مع هل العرف دلو ٍ وسط بير
هو يسدك موجز العلـم ولاّ نشرحـه
وهقك حظك وحوّلك فالبحـر الغزيـر
والبحر ما كل سبّاح يعـرف يسبحـه

تركي الميزاني :

ما منك يا بن روق غير العوافي
أبتسلـى فيـك والجـو صافـي
ولا أنته بلا قِدمي ولا أنته خلافي
سبع الأراضي تحت سبع السموات

أحسب إنك تنطح القوم بالسيف الشطير
وأثرك الله لا يسلمك غاوي وابرحـه
أنت طير ٍ كاسر ٍ لك جناحك ما تطيـر
لو تُطب السوق ما فيه ربح ٍ تربحـه

ملفي المورقي :

الشعر ما يوخذ تسلي وأنا أخوك
خصاً ليا حضره سلاطين وملوك
لكن يوم الناس جابوك مبـروك
هذه الصحيح وقولوا اللي تقولون

ويش وصلّك الجبل والجبل وضعه خطير
الجبل ثابت على طول وأنـت تنطحـه
ودي أنتّف رموشك يصير اللي يصيـر
لو يجيلك من غبونك ضريس و وحوحه

تركي الميزاني :

بعض العرب للتسلية والوناسـه
والمورقي ما عنده ألا حساسـه
يجاذب الأصوات ويحـك راسـه
سبع الأراضي تحت سبع السموات

المعارك قادها بيننا سلك الحرير
إنتبه للسالفة لا تشرشح شرشحه[/CENTER]