العذر مكتوب لاصـار الخطـاء مقـري = آسف على ضحكتي وآسفا على حزاني
خطـاي معـذور والا غلطتـي عـذري = و مرارة العذر فـي قلبـي وفـي لسانـي
مدري وش اللي ذكرت وضاق به صدري = مـدري وش اللـي نسيـت ولاتنسانـي
لبست انا ثـوب لاطولـي ولا قصـري = ياطيبـه القلـب ويـن القلـب ودانــي
سنتين من عمرها مـرت ومـن عمـري= سنتيـن احـس الزمـن فيهـا تعـدانـي
سنتين مرت حياتـي مـن ورا ظهـري = والحب سجنـي ومسجونـي وسجانـي
والشعر مطرود من قلبي ومـن فكـري =سنتين ماني ب انـا مانـي باحـد ثانـي
غنيـت للنـاس والدنيـاء علـى خبـري = والشعر في دفتـري مغـرور وانسانـي
غنيـت للحـب يـوم عيونهـا تـغـري = يوم الوفـاء والكـلام الطيـب الحانـي
غنيـت للدمـع يوم(ن) البكـى كـبـري = واليوم انا اكبر من دموعـي وحرمانـي
اليوم ماعاد يمـدي اللـي جـرح يبـري = مليـت كثـرت خطاياهـم وغفـرانـي
مليت انا الشعر مل الشعر مـن شعـري = مليت انا الحـب مـل الحـب وجدانـي
و لو هي عليه عزيز النفس مـن صغـري = ماشاور القلـب فـي كرهـي لعدوانـي
أن رحت ياكثرهـم وان جيـت ياكثـري = ضاقت بي عيونهم لـو كنـت وحدانـي
تعبت وازريـت مامليـت مـن صبـري = ليـت الـذي راح منـي كثـر ماجانـي
احيان ودي اطيـح مـن التعـب وازري=و تشيلنـي عـزتـي وسـلـوم جـدانـي

قصيدة جميله جداً تحمل الكثير
من الحزن بين طياتها

تسلمين الاخت الجادل على النقل الرائع