يا مسندي يابـدر مقـرب محاضبـك=يامسـنـدي هـولـيـه حـبــك نـقــازي
نـوب تنسينـا الشـقـا فــي عجايـبـك=ونـــوب تولـعـهـا بلـيـفـه وقــــازي
ادنـاة مازعلـك وأدنـاة مـا أغضبـك=تضحك وتقفـل مثـل قفـل الجهـازي
لـولا الزعـل مافيـه شــي يعـذربـك=علـيـك مــا يلـقـا عــدوك مـغــازي
ماهي عداوه يوم اطالبك واضربـك=انته حليف اجدودنا مـا انـت نـازي
لاشـك انـا يابـدر بنصحـك وأدبــك=وأعطيك من كـل المعانـي ايجـازي
تلـقـا فوايـدهـا لـيـا خـــط شـاربــك=فيهـا علـى كـل الوصايـا أمتـيـازي
خلـك شمالـي عـنـد زلــت قرايـبـك=وعلى الحقوق اليا نصنك أحجازي
لاتذخر المذخـور مـن دون واجبـك=اوف الحقـوق الــواردات بنـجـازي
للضيـف والجـيـران لـيـن جوانـبـك=وبالطيب جـاز وبالـردى لاتجـازي
واحلم على زلـة رفيقـك وصاحبـك=أدمـح خطـاهـم لاتصـيـر انتـهـازي
يـابــدر والله ماتـخـونـك مـنـاسـبـك=من منسـب طيـب وسـاس عـزازي
وان كان أبوي بكل الاحوال جاذبك=غــلاك زاد وزاد فـيـك أعـتــزازي

الشاعر/عبدالله بن زويبن