أحـذر تـرى الدنـيـا تـغـرك وتـفتـنـك =لأنـهـا تـلعـب عـلى كـل مـوواال
مـن لايعـرفـك يـاافتـى مايثمنك=والهـرج مـاودك يـكرر أذا انقــاال
وقت الفضاء ماهو مثل ساعة الضنك=ولـكـل سـاعه فيه موقف ورجال
بـعـض الرجـال اليا قضى حاجته منك=يـصد عنك ويعتبر طيبك هبـــااال
وبـعض الرجال بوزن طيبك يثمنك=ويـرد لك طيبك أذا حدك الجـال
هذاك إذا جاك الخطا منه ياعنك=ماهي غريبه كل رجـلٍ له أفعـال
وهذا إذا جـاك الخطا منه يغبنك =وتـضيع في تحليل وضعه والأحوال
غني عني وأحمد الله غني عنك=وكــلٍ علـى دربـه لـه الآآآم وآمـــال
مهما ضحكت دنياك في يوم تحزنك =لابد من حــزنٍ لـو أن الفـرح طـــال
يطعنك شخصٍ ماتوقعت يطعنــك =ويسـعفك شخصٍ ماطرا لك على بال
شفـت الذهب لو صنـعوا بالذهب تنك=يبـقى ذهـب غالي ولاينقـص ريــــال
والزنـك مهما صار يبقى هو الزنك =لو أنصنع بأحدث طرازات وأشكـال
يعنـي معـادن صـح معـدنـك معـدنـك =والمغـترب لابد يــرجــع للأطـــلال
هـي كـم بيـت إن شاء ربي تفطنــك=يمـكن لعـل الله يـصــلح بـهـا الحــال

نايف الجزاع

صح لسانه
مشكور اخوي ابو راكان

المشاركة الأصلية كتبت بواسطة عز الخوي (المشاركة 330753) صح لسان الشاعر نايف الجزاع وتسلم ابوراكان على النقل الرائع والموفق

المشاركة الأصلية كتبت بواسطة نزف المشاعر (المشاركة 330818) صح لسان الشاعر على هذه الأبيات المعبرة والتي تحاكي الواقع الذي نعيشه . وتسلم يمينك اخوي أبو راكان على الإنتقاء الرائع ولك جزيل الشكر ..

المشاركة الأصلية كتبت بواسطة برق (المشاركة 330820) صح لسان الشاعر نايف الجزاع وتسلم ابوراكان على النقل الرائع والموفق