منتديات الموازين الرسميه - قصيدة للشاعر/عبدالكريم بن سليم العقيلي

بسم الله الرحمن الرحيم

السلام عليكم ورحمة الله وبركاتة

هذه القصيده للشاعر الكبير

عبدالكريم بن سليم العقيلي

العمـر راح ولابـقـى الا قليـلـه
ويمض (ي) الشهر ماكنّه الا اسبوعي

والعمـر يفنـى والليالـي طويـلـه
بين الخميـس وسبتهـا والربوعـي

وأمسيت قلبـي فيـه مثـل المليلـه
يبى الفضيض وقاضباتـه ضلوعـي

وقالوا علامك قلت فاالوقـت ميلـه
أشوف بعيونـي وتسمـع سموعـي

لـو المـراد المـوت مافيـه حيلـه
اليـا ومـره الله سلاحـه بتـوعـي

مير البلاء يانـاس طرقـه طويلـه
طرقة مسافـر مابعدهـا رجوعـي

أحد (ن) معه مزهب وراوي صميله
وأحد (ن) يجي ضميان هلكان جوعي

ماقدمـت يمنـاه غـيـر الفشيـلـه
ياالله دخيلـك يـوم منتـه قطوعـي

ربـي دخيلـك يامناجـي دخيـلـه
أليا دخلـت ولا حصلّـي طلوعـي

منقوووووووووووووووووووووووووووووووووووووول