ياعبدالله ابن غراب والجود في الماجود=وأنا في فرنسا ويش أخلي وويش أرجي ؟
أنا رحت فيها عند وحده من آل سعود=ورجالها من ربع عدنان خاشقجي
عفيفه عفيفه مالحقها ولا منقود=عليها السلام وحورها النعّس الغنجي
لها بيت في جده وسواقها محمود=على موترن ماهوب كدلك ولا هو ابجي
مع إسطابه الخلفي سطابين والا زود=وهو في النعيريه يسفر على الخفجي
تقل مهرتن من خيل راكان أو ((صاهود))=أبعنها بالسرج والا بلا سرجي
رقت برج ليفل واجتمع من عليها النود=ورحب بها البراق والمزن والثلجي
لو إنها تقول البرج برجي بدون شهود=تهاوا لها البرج وتهاووا هل البرجي
ياحكام نجد أنا بوجه المليك العود=ويالله من جاني فلا غيره المنجي
لو إنها من العجمان ماهي من آل سعود=وهي بالحلا ذا كان زليت بالهرجي
وياخشمي عليك اللوم من شمة البارود=ماينهاك عن دوس الحما وضعك الحرجي

المشاركة الأصلية كتبت بواسطة سلطان الغواني (المشاركة 21894) مشكور اخوي أبن مصاااااول تحيااااااااااااااااااتي لكـ

المشاركة الأصلية كتبت بواسطة سالم رباح (المشاركة 23262) شاعر زاحف نعم شعره طريف في معظمه وهذا مايجلب محبة الجماهير وشعبيته الكبيرة اما قوة شعره فأنا لاأتفق معكم فمستوى شعره ليس قوي ولايضعه بين الشعراء الكبار . لكن احب استمع لاشعاره لما فيها من طرافة وجمال وبساطة لكن ليست من الشعر المحكم والعميق .