موال بين سوار الذهب وصياف
 

السلام عليكم ورحمة الله وبركاته ..
هذه محاوره بين الشاعر الكبير عبدالله غازي(سوار الذهب) والشاعر المرحوم صياف الحربي..
البدايه لعبدالله غازي بموال ويقول:
العلم ياصياف بيني وبينك**الله على تالي زمانك يعينك**حديدنا في مامضى خابرينك..
الليل ياصياف ماش مجاملات
هات العلوم اللي في صدرك كلها
خابرك حربي من حروب المدينه**هات الثمينه واخذ منا ثمينه**كلن على خيره وشر ودينه..
العام في جيبك ذهب ومجوهرات
واليوم اهل وادي ذرى تحتلها

صياف:
ياكبر راسك لالبست العمامه**لكن يصغر لو تقول القيامه**هذي سواليفي واجيب العلامه..
يالله يالعبود نطلبك الثبات
الناس قامت تلتفت في ضلها
يالشاعر اللي تو سموك شاعر**لكن توك مارقيت المنابر**يوم الليالي العوج ويش انت خابر..
مال النصارى لا عيال ولابنات
الا الدفاتر كل يوم تفلها
عبالله غازي:
حنا ليا منا وقفنا وقفنا**نحما مواقفنا ولنٌا شرفنا**كل القبايل يالحروب تعرفنا..
وانته ليا جمعتها راحت شتات
هذيك تعشقها وذيك تملها
واذيتوا الاجواد ياحرب جده**والبحر الاحمر ضاع جزره ومده**لكن كلن نوقفه عند حده..
ارخيت راسك للسيوف المرهفات
صل الفريضه يالسحيمي صلها

صياف:
انتم رجال اليا وقفتم قعدتم**والله بلاكم بالنعاس ورقدتم**كنتم تبون الحج والحج ماتم**
اثرك ورع وفيك نوع مراوغات
تشوفها بالعين ثم تزلها
ان كان تبغى الزينه اصبر دقيقه**اما تشيل الصفر والا الوثيقه**والا تولع فالجماعه حريقه..
ترلى المشالح فالبيوت معلقات
اشرفلها من فوق ثم انزلها...

**ولم تحظرني باقي المحاوره

انشالله تحوز على اعجابكم والسلام ختام

رد: موال بين سوار الذهب وصياف
 

يعطيك العافية