رفعتوا بيرق الغشمره ماهوب لله ( المبدعين سوار الذهب وملفي المورقي )
 

سوار الذهب :


هلا يامرحبا عند من سرنا وجيناه = وأنا اللي جيتي في محله حشمةٍ له
والا يالمورقي تذكر الماضي وتنساه = واثرك اللي على نجد تنزل بالمظله


المورقي :


يدوم الك البقاء عد صيفيٍ نثر ماه = وكلٍ ياوسيع النظر دربقه يدله
وأنا أدور عميل الوفاء لين اني القاه = وباق الناس فالوقت عساه ولعله


سوار الذهب :


على ماقيل كلٍ يعرف البير وغطاه = تعقد الحبل ياصاحبي والا تحله
ترانا نعرف الحق والروقي عرفناه = علوم الصدق تبدي كما مبدا الأهله


المورقي :


والا ياراعي الدلو هات الدلو بملاه = ولن شفته يناضخ على الجيلان خله
نعرف الحق يبغى رجال حقوق وقضاه = ماهو بكتابةٍ فالجريده والمجله


سوار الذهب :


بغيت تروح مره مراح مقيط ورشاه = طرحنا عنك غصنٍ تظلل تحت ظله
والا ياروق فالزود والا فالمساوه = رفعتوا بيرق الغشمره ماهو بب لله


المورقي :


يبا ينحر صحيبك جمل يوم الله انجاه = وأثر لولاك شفت المهونه والمذله
ليا جاك العتيبي مسير لاتحداه = ولن واجهك فأرضٍ براح السيف سله


سوار الذهب :


بغيت تولع النار بين العود والحاه = والا ضويت عله والا داويت عله
ليا جانا العتيبي على غمره وحناه = ولن ماكف شره قلعته من محله


المورقي :


لو أنك داريٍ بالكلام أقصاه وأدناه = دعيتك عقب بكره على فنجال دله
_______________


سوار الذهب :


ياملفي ليش سميتها ماهي مسماه = تلوح بروقها مير ماهي مستهله
والا يدري عن السيف لين يحز علباه = خليف الشاطري تعشقه والا تمله


المورقي :


أنا ماجيت لي بيت غير أدري بمعناه = وشرع بلادنا عارفٍ حرمه وحله
أبو سيفٍ مذهب يشيله وسط مخباه = سمع بالعلم والا ألزمه بإذنه وقل له


سوار الذهب :


أنا ماأضحك على الميتلى من كبر بلواه = ياطول الليل والخيل تعرف بالأجله









وبعض البيوت فقدت من المصدر .

رد: رفعتوا بيرق الغشمره ماهوب لله ( المبدعين سوار الذهب ومفي المورقي )
 

السلام عليكم ورحمة الله وبركاته


اخوي سالم رباح اشكرك على المحاوره


ابو رباح الله لايهينك


ابي اطلب طلب واتمنى ان اجد طلبي عندك

في محاوره بين عبدالله وملفي قبل الحفله هذي والمبدا عند عبدالله


هلايامرحبا ترحيب ماهو من دخل محدود==== بدون احدود والاول يرد العلم لاالتالي


اتمنى ان توجد هذي المحاوره


تقبل تحياتي

رد: رفعتوا بيرق الغشمره ماهوب لله ( المبدعين سوار الذهب ومفي المورقي )
 

الأخ سالم تسلم

الحفلة سمعتها وليس من ضمنها هذا الطاروق حسب الشريط المسجل .

لكن هناك طاروقين للشاعر الكبير والفذ خليف بن دواس أحداها مع الشاعر ملفي المورقي , والآخر مع السناني .


وكان قاف خليف والمورقي قوي جداً , بعكس القاف مع السناني الذي يتميز ببروده الشعري وحتى كلامه غالباً ولايرفع من مستوى اللعب , وعلى كل حال سأنزل المحاورتين ان شاء الله في هذا المنتدى .


سوار الذهب لعب ثلاثة طواريق منها قافين مع المورقي هذا أحدها , والآخر يقول فيه سوار الذهب للمورقي :

ابشروا بالمورقي ياللي تسوقون البشائر = شاعر العتبان من بعد العصيمي والزلامي

ولكن القاف حصل فيه تقطيع كثير وعدم وضوح , لذلك فقدت المحاورة تناسقها , وربما توجد كاملة بدون تقطيع على الفيديو .

قاف ثالث بين سوار الذهب والسناني .

رد: رفعتوا بيرق الغشمره ماهوب لله ( المبدعين سوار الذهب ومفي المورقي )
 

يعطيك الف عافية

رد: رفعتوا بيرق الغشمره ماهوب لله ( المبدعين سوار الذهب ومفي المورقي )
 

محاورة قمة بين هرمين وصحت السنتهما والمورقي جاه ما كفاه من ابو غازي ..فإذا حضر أبوغازي حضر شعراء قلطة مطير بدون نقصان في الآخرين ..

لا هنت على النقل اخوي سالم

رد: رفعتوا بيرق الغشمره ماهوب لله ( المبدعين سوار الذهب ومفي المورقي )
 

ابو ضيف الله

المورقي شاعر مبدع أجده أحد أكبر اربعة شعراء في عتيبة , ومحاوراته مع ابو غازي دائماً لها طابع خاص .

يتميز المورقي بجمال سبك بيته وقوة شعره فهو شاعر بالفطرة .

رد: رفعتوا بيرق الغشمره ماهوب لله ( المبدعين سوار الذهب ومفي المورقي )
 

اشكرك الشكر الجزيل على التجاوب السريع

تقبل تحياتي

رد: رفعتوا بيرق الغشمره ماهوب لله ( المبدعين سوار الذهب ومفي المورقي )