منتديات الموازين الرسميه - مشكور يا بايع مشاعرك مشكور

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

- - مشكور يا بايع مشاعرك مشكور (http://www.almouazeen.com/showthread.php?t=32359)

مشكور يا بايع مشاعرك مشكور

مشكور يا بايع مشاعرك مشكـور
العام ذنب وهالسنـه ذنـب ثانـي

وش عاد اقول ولا بقى شي مستور
ما طعتني يوم ابتسم لـي زمانـي

لا تعتذر لو خاطري منك مكسـور
لا تفتكرنـي دام قلبـك نسـانـي

لا لا تقـول ان الليالـي لهـا دور
شف من هو اللي كان فينا أنانـي

مدري تصنعت الغلا زور فـي زور
مدري انا اللي حيل كنـت متفانـي

مثل العما ما تنفعه طلعـة النـور
النور بعيـون العمـا مـا يبانـي

عندي خبر لو جاك من يمي قصور
لأقول انا مخطـي وربـي جزانـي

لو شفتني قاسي عليك انت معـذور
شفني من أول جرح لا زلت أعاني

انا بشر مثلك لي احساس وشعـور
واغتاظ لا مـس الكـلام بكيانـي

حتى وانا في قمة الغيـظ مقهـور
بعض الحكي عيـا يقولـه لسانـي

بقولها لو قلت لي صابـك غـرور
ما فيه احد ياخـذ بقلبـك مكانـي

العام قلبي فيـك هايـم ومجبـور
العـام لا منـي جفيتـك عصانـي

واليوم حبك فـي حنايـاه مقبـور
لو ما دعيتـه للمفـارق دعانـي

ذاك الهوى ما عاد لك فيه مقـدور
ابعد من ايـام الرشـي والسوانـي

ما دمت راضي عن عذابي ومسرور
ملعون ابو قلـب ٍ عليـك يحدانـي

م/ن