ولا ياحمامً فوق غصنً تجر الصوت=تجره طرب ولامن الحزن جريته
يهب الهوا والغصن يرمي لذيذ القوت=وتفـرد جناحينك على ماتناسيته
مثل مانشوت الرجل همك تشوته شوت=تذكر كلامي كان هالغصن خليته
انا في ضميري هرجةً تكشف المكبوت=وفيها جميع اللي بعمري تقهويته
سكاكين تضرب فالنحر والعباد خفوت=ولا مسعف لي مسعـفً كان ناديته
يقولون منت بميتً قبل حكـر الموت=وانا اقول موتي يوم شفته وخليته
حياه متغطرس والدلع من شفاه يفوت=يعيفك غيره سكره وسـط شربيته
جماله عليه من الشهد والعنب والتوت=مشطب على كل البنيات في بيته
عليه البشوت تطيح وتطيح معها بشوت=قمر لوقمرنا شاف نوره طفى ليته
تكسر على غمزاته اللـول والياقوت=وترجع وتستجمع بعضها بتصويته
كذب من يقول ان الجمال بنساء بيروت=بنات البدو في دارنا هن مانشيته

صح السان الشاعر جلال بن خضر مني له اجمل تحيه شاعر ليس غريب عليه الجزل وزوداً على ما قلت انه اخو لشاعر مجري شكرا يابو ريان وبلغ سلامي لجلال

جماله عليه من الشهد والعنب والتـوت
مشطب على كل البنيـات فـي بيتـه
عليه البشوت تطيح وتطيح معها بشوت
قمر لوقمرنا شاف نوره طفـى

كذب من يقول ان الجمال بنساء بيروت
بنات البدو في دارنـا هـن مانشيتـه
صح لسانك شاعرها ولاهنت يامجري خضرعلى النقل
وتقبل مروري