وابـوي واشيبـي من الوقت شيبـاه=خيره كثير وفيه شيٍ(ن) يمنه
قلبي يكن الغيض من كثر شكواه=خص (ن) ليامن الهجوس شحننه
واليوم اشوف الذيب يرعى مع الشاه=والله يعز الحكم لامانهنه
الذيب صابر والحصاني تعداه=وياعل تال الوقت ماياكلنه
والعار درب للرسن واعلوماه=والخيل كبن الرسن والاعنه
والكيف اشوف الناس ماعاد تبغـاه=سود اللثايم ذرعن واخذنه
تسمع لطحاناتهنه منوناه=والنجر خلي ما لقى من يدنه
والغي شابه للجزور المذكاه=تخاشرت فيه النسا والمجنه
حول علاه اللي مايعرف المعناه=وتناوله مثل الهبود ويسنه
واليوم كلن فالخلا تسمع غناه=ويقول انا شاعر على قد ظنه
ياللي ظلمت الشعر خله بمجراه=لاتظلمه ظلمن على غير سنه
الشعر يبغى من يصونه ويرفاه=مثل الزلامي والعصيمي وكنه
ولا الرياحي يوم نسمع حكاياه=ولياه ضابطها على قد فنه

فعلاً ابداع شعري
صح لسان الشاعر/ محمد بن ركيان الميزاني
والشكر لك أخوي مهل على النقل
وانا مع اخوي ابو سلطان
الرجاء اتحافنا بقصائده ولك الشكر ...

المشاركة الأصلية كتبت بواسطة مهل الميزاني (المشاركة 349332) السلام عليكم ورحمة الله وبركاته واليوم كلن فالخلا تسمع غناه=ويقول انا شاعر على قد ظنه ياللي ظلمت الشعر خله بمجراه=لاتظلمه ظلمن على غير سنه الشعر يبغى من يصونه ويرفاه=مثل الزلامي والعصيمي وكنه ولا الرياحي يوم نسمع حكاياه=ولياه ضابطها على قد فنه