البارحه قلبي نوا يقلع أقلاع = يرجف ورا حدب الضلوع الحصينه
كنه يعانقني وضيعت الأسناع = مثل اليتيم اللي فقد والدينه
قمت أتذكر صاحبي زين الأطباع = ماارضى تحول الخلق بيني وبينه
حب الوفاء مافيه تلفيق وخداع = قلبي تولعبه عسى الله يعينه
كل المشاعر وقعت له بالاجماع = محبته صارت بقلبي ثمينه
ليته يجي رهن الاشاره بالاصباع = وقول يارب أحفظه لاتهينه
فيه الجمال بحوزته كل الأنواع = حتى القمر كنه طلع من جبينه
عليه كتف وردف وعيونه اوساع = خائف تصيبه عين من حاسدينه
مدري وراي بحبها صرت طمّاع = هذا اصول الحب يامدعينه
قدم الملا عن حبها ماالبس قناع = نعلن محبتنا وتبقى متينه

المشاركة الأصلية كتبت بواسطة إُْحآسيسّ مدفونهّ (المشاركة 351644) كل المشاعر وقعت له بالاجمـاع محبتـه صـارت بقلبـي رزينـه .. صحُ بووحكُ وجززلك آخوي الشآعرٍ .. يعطيك الف عآفيهُ ..

المشاركة الأصلية كتبت بواسطة صالح بن شداد (المشاركة 351652) يعطيك الف عآفيهُ ابو خالد الجزل مايجيب الا جزل تقبل مروري

المشاركة الأصلية كتبت بواسطة أبن مصاول (المشاركة 351654) صح لسانك يا أبو خالد وقصيدة رومانسية جديده تضاف الى رصيد أبو خالد الرومانسي ... أستغربت من أستخدامك مفردة الرزانه في قولك: مـحـبـتـه صــــارت بـقـلـبــي رزيــنـــه وصح لسانك ...