السلام عليكم ورحمة الله وبركاته

كل عام وأنتم بخير ... أضع أمامكم هذه القصيده من جديدي اّمل أن تحوز على رضاكم .

مدري علامي كـل مايقبـل الليـل=تجيني الضيقه بصدري حشـودي
كنـي مقـرّن للعنـا والغرابـيـل=الهم كنه فـي مساحـة حـدودي
اشيل من غدر الليالـي بـلا كيـل=واليا ارتكيت لحملها قلـت زودي
ماعاد يفرق قدمي العـدل والميـل=غير الهموم الصـادره والـورودي
ياليتني حصلت منهـا محاصيـل=حتى بعد قدامهـا اثبـت وجـودي
أعرف خروجي قبل اعرف المداخيل=واخذ حساب الوقت ورقا سنـودي
عندي قناعـه بالليـال المقابيـل=ولا التعاسـه ليتهـا ماتـعـودي
هـذي معاناتـي بكـل التفاصيـل=تصفحوها مـع جميـع البنـودي

أخوكم / الحميدي بن فارس بن مدلج

المشاركة الأصلية كتبت بواسطة ابن الشاعر (المشاركة 353936) صح لسانك ملايين يابو خالد على هالجزله والتحفه عز الله انك شاعر نخبة النخبه .. وكل فتره تبهرنا بجديدك الفاخر ابداع بلا حدود .. ولاهنت يامبدع ..