قبل الفراق ورحلـة همـوم الارواح.=وقّف دخيلك..!ليـن تـروى عيونـي.
بملى عيوني منك لو دمعهـا سـاح.=ذكـرى وداعٍ شـبْ دمــع الجفـونـي.
نظره.! بها قلب المعاشيـق يرتـاح.=وخوّه على درب الشقا بكـل لونـي.
مقفي وانا في داخلي هـم واجـراح.=هم الفراق وجرح حسـرة شجونـي.
تبقـى مراسيـل النظـر سهـم ذبـاح.=ويبقى لهـا دمعـك قيـود السجونـي.
تشتاق شوقٍ واللهايب لـه وشـاح.=ذاك الوفـا اللـي قصّـر ايـداه دونـي.
قصّـر يـداه وبـاح سـد الـغـلا بــاح.=وانسـاق حـرفٍ بالعذوبـة حنونـي.
فيه المسـام ليـا ذرف عطـر فـواح.=مصنع عبير يجوب كونـه وكونـي.
همسة ثغـر فـي مولـد (الآه) تفـاح.=عطّر حروف الآه وانطـق سكونـي.
عِشّرة عمـر مـرت كمـا بـارقٍ لاح.=تعرض بشاشة صمت فيها جنوني.
لقمة هناء ماني لها اليوم وضّـاح.=اخاف سهـم ابليـس يطعـن فتونـي.
لـك دعـوةٍ حـول المعاليـق تجتـاح.=وتُذكَـر علـى مَـرّ الزمـان وقرونـي.
رحْ جعل دربك وين ماكنت ياصاح.=ينبت ستر بارضك و ينبت لحوني.

فيه المسام ليا ذرف عطـر فـواح. مصنع عبير يجوب كونه وكونـي.
همسة ثغر في مولـد (الآه) تفـاح. عطّر حروف الآه وانطق سكونـي.

رحْ جعل دربك وين ماكنت ياصاح
ينبت ستر بارضك و ينبت لحوني

دعوه من قلب محب ومشاعر صادقه
صح لسانك دائماً شاعرنا ابداع يتجدد..