تقهو من دلة هل البن والهيل =واقدع من التمره خلاصن حساوي
تراك في مجلس رجالن مشاكيل = لاتصير في هذر السوالف عماوي
غير سواليفك عن القال والقيل =لاتقوم تجمعلي هروج النساوي
لاصرت ماتسولف عن الهجن والخيل =واهل الفعول مبعدين الهقاوي
سكوتك افضل واستمع للرياجيل =وتصير يمكن للسواليف راوي
وان كان في هرجي تبا تحط وتشيل =وانت اللذي مدّل وانا اصير غاوي
قد قيل من قبلي تفوت المجاهيل =وياما على العاقل تصير البلاوي