بسم الولي بكتب على خيوط الآبلاج.=ارسم لهاجس داخل الجاش راجـي.
من قبل تشرق شمسنا عين الافواج.=تنظر دروب الرزق و الرزق ياجي.
بالعدل مقسومة بلا زيف واحـراج.=ميزانها ثابـت ولابـه عواجـي .
بحر الشعر بين المحاني له امـواج.=يلطم ظلام الجوف بلسـان هاجـي.
تدحم كتوف الموج به كل منعـاج.=تنهج بعلـمٍ مـا يجيـه ازدواجـي.
درسٍ خذيته من رحى العمر منهاج.=اصبح على هامة هل العرف تاجي.
هذا الزمن فيه الردى نجم وهـاج.=والطيب لو هو بالمقارن سراجـي.
بعض القلوب بهالزمن كنها الصاج.=معفوفن(ن)ويقول يازين صاجـي .
يضحك بوجهك ليّن الوجه بحجـاج.=وآنته على النيه طليـق الحجاجـي.
والمجلس اللي به سكاكيـن هـرّاج.=يا عله لدولاب سفـوى العجاجـي.
مدهال شذابة عراقيـب وازعـاج.=دوماً على الغايب تدق المحاجـي .
قدر الردي بين المناعير مسهـاج .=ماله مع اهل العرف بيع وخراجي .
ياطيب فال اللي هروجه لها أنتـاج.=سكر يحلـي كـل بحـرٍ اجاجـي.
مثل البدر يلمع على وجنة العـاج.=طلقْ الحجـاج وبالمعـزه يناجـي.
هذاك له وسط المعاليـق مـدراج.=يمشي على سندس غـلا ببتهاجـي.
ويقلط على شداد المعـزه وديبـاج.=يقدع غلاته كيف كيـف ومزاجـي.
والخاتمه دام السطر خيط الابـلاج.=بكتب يالين الله يجيـب انفراجـي.