ياويل قلبي على من هو سكن قلبـي=وياويل فكري على من هو سلب فكري
اللي تعلق بطيبه قـال أنـا وش بـي=واللي تدهـور بحبـه مارقـد بـدري
صحيح هو داخـل القلـب وتلاعبـي=يلعب بقلبي مـع افكـاري ولا يـدري
ذاك الغزال السمين اللي نصـا دربـي=من قبل أشوفه وهو دايم على صدري
البرق يبرق شمالي والهـوا غربـي=والمشكله طالبينـه والنقـل حصـري
عزي لمن هو خضر قلبه خضر عشبي=إن كان صاحبه لابايع ولايشري
الحسـن فيهـا ولافيهـا ولا سلبـي=أم الجمال الهنـوف وحبهـا عـذري
أخلاقها زادت البسمـات فـي قلبـي=أقول تحت أمرها وتقول تحت أمـري
ياليت حلم الزمان الزين يرجـع بـي=ونعيش سن الطفوله كبـره وكبـري
شف عيني اللي تناعس ماتغمض بـي=وعظامي اللي تراعش كـل ماتطـري
ما أقول غير الله الكافي وهو حسبـي=يلطف بحالي ويجزيني علـى صبـري

المشاركة الأصلية كتبت بواسطة ابن الشاعر (المشاركة 370257) وانت سالم ياخوي منصور .. ارشيف جميل نتوق لما يحويه .. وصح لسانك بس القصيده ياليت تعيد صياغة ابياتها وتنقيحها لان بعض الابيات مافيها ترابط ويبغى لها ترتيب من جديد وبعض المفرادات تبغى تحسين مثل (السمين - دايم على صدري- اخلاقها زادت البسمات) ولاهنت ياشاعرنا المبدع .. ونطمع بالمزيد والاجمل