منتديات الموازين الرسميه - @@ سيـــــــــــــّـدة اللـــــــــول !! @@

منتديات الموازين الرسميه (http://www.almouazeen.com/index.php)

- منتدى شعراء قبيلة مطير (http://www.almouazeen.com/forumdisplay.php?f=109)

@@ سيـــــــــــــّـدة اللـــــــــول !! @@

اللول : مايلبـق إلا فـووق درّه ولـول

وانتي بك العقد يفرق عن جميـع الحلـي

جواهـرك والزمـرد والزهـر والفلـول

وكـل الاشيـاء حولـك قدرهـا يعتلـي

ربي محليـك ياقلبـي / وقلبـي يقـول:

هذي هي الحب كله ليـن صرتـي ألـي

سبحان من صب طلتها وريـح معمـول

اطيابها من جسدهـا والجسـد مخملـي

لاشمّها العطر / فاح وقـام كلـه يجـول

ون شمها الورد / روّق عقب ماهو خلـي

كل العناقيد تتبعهـا / جنـوون وفضـول

وتقـدم الفاكهـه وتقـول / يالله كـلـي

إن جيتها من يمين/ اشتقت بنت الاصول

ون جيتها من يسـار المذهـب الحنبلـي

ون جيت قدامها / تذبحك رقـه وطـوول

ون جيت من خلفهـا / ياقلـب يامبتلـي

كن الغنج فـي يديهـا يبتسـم للفصـول

وكن الحلى من حلاهـا يشـرب ويثملـي

والسكّر / اللي يحاول من حلاهـا يطـول

صبّت من الريق (نقطه)والثغر ممتلـي!!

لبّى الخطى يوم تمشي والدلـع والميـول

كن الطريق ايتساءل؟! من هي اللي علي؟

حتى الملابس عليها / جمرتين وخمـول

جمره تنـام بسـلااام وجمـرةَ تصطلـي

ي/ اربع جهات الجريمه ماتبقـى حلـول

اما رقيـت لـك والا / حاولـي تنزلـي

ان نادت اسمي / تمنيت النـداء مايـزول

وش عقب لانادت اسمي كل ريحة هلي !

هذي هي اللي تبعثرني غـرام وشمـوول

وهذي هي اللي / قبل والحين واللي تلي !

للشاعر : سعود المطيري