البارحـة كلمتنـي بنـت مبليـة=معاملتهـا صراحـة لـي تعبانـه
قالت كيف الحال قلت اهلين يا بنية=قالت بغيت البنات قلـت غلطانـه
قالت بلاشي دلع رح نـاد بدريـة=وان كانها نايمة صوت لسلطانـه
قلت الحقيقه ترى حنـا عزوبيـة=والكل منا يابنت الناس في شانـه
قالت تغشمر قلت احكـي بجديـة=انا رجل والرجل ملـزوم يلسانـه
قالت بسولف معك لو تسمح شوية=تراني قبل اتصلبك كنت طفشانـه
قلت اهرجي معي زين وصفي النية=وانا بسولف عليـك بنيـة زانـه
قالت بغيت اسألك وش بعد سورية=والهند كانك ذكي وش كثر سكانـه
قلت الحقيقه ماعرف الا البجاديـه=واعرف من حد مكه لين غيلانـه
قالت تحب وقلت احب اللي حوالية=واحب ربي واحب الكنق واخوانـه
واحب ديني احب ارض السعوديـه=ومحبة ماعطاهـا الخـل لخلانـه
قالت بضحكه ورى اخلاقك تجارية=اصلا انا يوم اسولف معك خسرانه
وانت بدوي ماتعلمت الرومانسيـة=وكل بدوي حياتـه مالهـا خانـه
قلت اسمعي زين كان انتي طبيعية=لكن اظن يابنت النـاس سكرانـه
انا بدوي ماحنيت الـراس موليـة=الا لربي عزيـز الشـان سبحانـه
وحنـا بـدو لاثـارت الحمـيـة=نثبت ليا عارض البـارود دخانـه
واحنا بدو اليا انكشف ستر السنافية=يفرح بنا الي خذوا ذوده وحيرانـه
احنا بدو اليا كوينا نضـج الكيـه=يفرح بنا الي يشوف الضيم بعيانه
يالي تقوليـن بـدو اقـول يابنيـة=الاصل حنا وعز البيـت سيسانـه

يالي تقوليـن بـدو اقـول يابنيـة
الاصل حنا وعز البيـت سيسانـه
صح لساااااااااااااااانه وصح ذوقك