منتديات الموازين الرسميه - الشاعر مسند مازن الميزاني في جريدة الجزيره اليوم؟؟

السلام عليكم ورحمة الله وبركاته :

يا وطنا اليوم الأول من الميزان عيد =فرحة التوحيد في مجتمعنا اليوم جات
يا وطنا جات ذكراك باليوم المجيد =يوم أبو تركي جمع شملها عقب الشتات
يوم جاها حارب الجهل والفقر الشديد =فيصلياً في الجزيرة تخطى المعجزات
يا وطنا والله إنك على الباغي عنيد =لك عيالاً تسهر الليل دونك ما تبات
قادهم صقر العروبة وأبو خالد عضيد =والأمير اللي على الأمن ضدٍ للطغاة
نائباً ثاني على العهد نظراته بعيد =صيرمياً في السياسة يحل المبهمات
يا وطنا والله إنك بحكامك سعيد =الملوك اللي على الشرع يمشون بثبات
يا وطنا ننتميلك وحبك في الوريد =وإن دعانا واجب الدين فضلنا الممات
يا وطنا من شموخك عصيت أهل الجحيد =كل من دنس ترابك غدا فوقه شتات
الخبيث من الخباثة يغوِّيله بليد =منكرينه لو من الدين يلبسله عبات
العقول الفاضية في بلدها ما تفيد =الفوائد سطروها حميدين الصفات
يرحم الله كل من مات من دونك شهيد =يا وطنا لك علينا حقوق وواجبات
السعودي دون واجب بلاده ما يحيد =له فعولاً دون داره مثبت (ن) ثبات
يا وطنا دام عزك وخيراتك تزيد =ديرة من خيرها عيشت كل اللغات
يا وطنا من يخونك لعله في الوقيد =والحسود اللي حسدنا يقرّط في حصاة
يا وطنا لك رجالاً سياج من حديد =محتمينك من شرور الفسيد مع الغزاة
يا وطنا تو ما زان بك نظم القصيد =البيوت اللي بذكرك تصير معلقات
ثم صلى الله على اللي لنا دينه رصيد =الرسول اللي هدانا عليه أفضل صلاة