لعل قبراً في لحوده بقت جثة يزيد = للهبوب الباردة والجنان الظافيه
وكل يوماً إيجيه نواً من المنشى سديد = فوق قبره والنصايب مع الأطرافيه
والعوض بلي بقى لو أحس إني وحيد = والله العالم المطلع والخافيه
كل شي إيبيد غير الليالي ماتبيد= كم قدمي بيدت من بشر وأسلافيه
عيدو وأنا من الحزن ماحصلت عيد= غير دمعاً يحرق العين ماينشافيه
والظلوع أمسن تواجف مثل سعف الجريد = واقلبي اللي من عناه قعد ينلافيه
مؤمنن بالحق هذا الصراحة والأكيد = والعوض باللي إله أستعي واطافيه
قابض الأرواح محي العظام اللي هميد = اطلبه واستغفره دايماً واخافيه
ياعساه بدار رحمتك ياربي سعيد = اطلبك بالقاف والا بغير القافيه
الحياة أيام يالابس الثوب الجديد = إن عطتك فراش والا عطتك إلحافيه
استعد لساعة الصفر يالراس العنيد = لحملوك اثنين واثنين بالأكتافيه
ثم قعدت بوحشتن لاقريب ولابعيد= ولاصديق ولامهرج ولاميلافيه