|
والله خسـارة فيـك ذبـح التمـايـم
http://hmt-k.com/vb/images/myframes/7_cur.gifhttp://hmt-k.com/vb/images/myframes/7_cul.gif
إذا المراجل لبسـة شمـاغ وعقـال قـل للعـذارى يلبـسـنّ العمـايـم ما عاد يفـرق زول حرمـه ورجـال دام الفعايـل تشبـه البعـض دايـم المرجلـه مـا هيـب كلمـه وتنقـال وتروح ما راحـت هبـوب النسايـم وإلا خشونة صوت أو رفـع الأثقـال أو رزة صـدور وفـعـل الـزلايـم ولا هي بعد مفتـاح موتـر وجـوال وإلا ردى لسانـن حديثـه شتـايـم المرجله شيمه عـن القيـل والقـال رفيع نفس (ن ) حـر بالجـو حايـم المرجلـه عقـلٍ وزن وزنـه جبـال ودون العقـل وش فرقنـا والبهايـم يا مسندي لو مايل الوقت بـي مـال يا ولـد أبويـه يـا عظيـم العزايـم يا معرب الجدين مـن العـم والخـال يا نخـوة المفـزوع وقـت الهزايـم المرجله يا خوي هـي طولـة البـال هي العـزم هـي الصبـر فالظلايـم فيهـا الكـرم عـزه دلـه وفنجـال فيها الكرامه عن ردى الطبـع شايـم والدين لامنـه خـذا القلـب منـزال مشى طريق الحـق وابليـس نايـم ومن لا عرف ربه في طيـب الحـال لابـد وقـت الضيـق بالهـم هايـم حتى صلاتك مـع جماعـات ورجـال في خيرها يـا خـوي نعـم الغنايـم ولامن نصف ليلك قم صفـي البـال يا عظم أجـرك بيـن ساجـد وقايـم ولا من رفع ربي لـه كـل الأعمـال حسن الذكـر لا قالـو فـلان صايـم وخلك شريف القصد يا طيـب الفـال سـوء المقاصـد فالبيـوت الهدايـم واحذر تبيع النفس فـي دب الأنـذال وتتبع خـوي إبليـس راع النمايـم النفس خيـل لـك إذا كنـت خيّـال ومن لا قوى نفسـه قوتـه الهزايـم ولا صرت ما تدري لو يش أنت رجال والله خسـارة فيـك ذبـح التمـايـم http://hmt-k.com/vb/images/myframes/7_cdr.gif راقت لي فنقلتها لكم م/ن |
رد: والله خسـارة فيـك ذبـح التمـايـم
صح لسان قايلها
نقلت فابدعت كعادتك دائما اخوي ابو العز |
رد: والله خسـارة فيـك ذبـح التمـايـم
العضوه النشطه والمميزه الذكريات مشكوره على مرورك
|
رد: والله خسـارة فيـك ذبـح التمـايـم
أشهد بالله أنك أحسنت الاختيار
وبيض الله وجهك ياأبو العز0000000 |
رد: والله خسـارة فيـك ذبـح التمـايـم
وجهك أبيض سفير أمطير ونورت المنتدى برجوعك
|
رد: والله خسـارة فيـك ذبـح التمـايـم
ونعم الاختيار
يعطيك العافيه |
رد: والله خسـارة فيـك ذبـح التمـايـم
لاهنت أخوي أبو العز
مكرر .. تحت هذا الرابط http://www.almizany.com/showthread.p...E3%D1%C7%CC%E1 الى المكررات |
| الساعة الآن 11:37 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
