البارحه جتني بموضتها على ختم الحصاد = لاهي ذهب خالص ولامخلوط من سبك الحديد
السالفه ماغيرها جتني تبي فك الضماد = مهما اتجاهلها اجدها في معاندتي تزيد
متجانسه في طبعها بين المطيه والشداد = يلحق عليّه وقعها من الوريد ليا الوريد
ياحيلة الله ماعرفت السر لكن الوكاد = ان الحوادث كونت لي من مواجعها رصيد
حسبتها من كل جانب لين ماجف المداد = واخذت لي منها تجارب جَمَلَت بيت القصيد
لقيتها متمكنه يصعب عليها الانقياد = في خافقي جرحٍِ جديد وعند غيري يوم عيد
تبرق مثل برق السحاب بليل داجيه السواد = ترسل صواعق كهربائيه على الجسم العتيد
ترمي شرر تِلحق ضرر تقدح مثل قدح الزناد = تقسي علي 00 تخضع لها نفسي ومغزاها بعيد
وارجع واراجع كل موقف مايبلغني رشاد = واحط له علامة استفهام ؟ واكرر واعيد
يمكن لسر السالفه اوصل بعد طول اجتهاد = واحلل الموقف بعقلانيه ورايٍ رشيد
واخلي السيف الحدب مصيون في وسط الغماد = لامن علم لامن درى والحر ماينقص يزيد