|
ملاك الزين
خذيني ياملاك الزين انا ولهان لعيونك=خذيني وارحمي روحن على شوفتك ولهانه سحرني خصرك الناحل وشعرن كاسي متونك=وخشمن مثل حد السيف والاعيان فتانه يغازلك النعاس اللي تمكن واتعب جفونك=وتغازلك المشاعر والمشاعر فيك شفقانه انا شفت البروق الساطعات بضحكة سنونك=فديت الضحكه اللي بالغلا والحب مليانه متعبك الغرام وصار لونك ماهو بلونك=كما ورده مع رياح الهبوب الصلف ذبلانه تمشي في رياض القلب ياعمري على هونك=حلالك قلبي العاشق حلالك يااعذب انسانه تعالي سيلي حبك ووبل الحب بمزونك=على روض الخفوق اللي عروقه منك عطشانه انا ياكيف قبل اعرف غرامك عشت من دونك=حقيقه كانت الفرحه بقلبي مالها خانه لعل الحب يبقى والغلا دايم بمكنونك=ونبقى في بحر هالحب لولوه ومرجانه |
رد: ملاك الزين
صح لسانك أخوي أحمد الزراقي
|
رد: ملاك الزين
الشاعر المتميز في اسلوبه
احمد الزراقي الغالي استوقفتني كثيرا قصيدتك وجنحت بي بعيداً جداً لمافيها من وصف متميز صح لسانك يامبدع |
رد: ملاك الزين
احمد الزراقي صح لسانك ولاهنت كتبت فأبدعت انتضر جديدك |
رد: ملاك الزين
صح لسانك اخوي احمد الزراقي
على القصيده الجزله لاهنت |
رد: ملاك الزين
صح لسانك أخوي أحمد على هالقصيده راقت لي كثيراً |
| الساعة الآن 06:10 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
