يقولون نوب الوقت يحتاج له ترتيب = وانا أقول فيه أوقات ماني مرتبها
زماني علامه نوب يخطي ونوب يصيب = عرفت الحقيقه وانشد اللي مجربها
بعد جيت واثق والثقه فالزمان تخيب = نويت أبتعد عن سكته واتجنبها
لامني نويت الدرب ماهو علي صعيب = الأفكار تبعد عن خيالي واقربها
اليا قلت كلمه وافيه ماتبى تعقيب = ابااقولها في وقتها اللي يناسبها
أبيها تجي بالغصب ولا تجي بالطيب = عليّ الحرام ان كان عيّت لخربها
أبرضي ضميري قدم شمسي عليّ تغيب = عساي أتجمل بالنهايه وفوزبها
على كثر مافكرّت راسي ملاه الشيب = ترى ساعة التفكير دارت عقاربها
هذا حظي المقسوم مافيه شك وريب = توريني الدنيا غرايب عجايبها
لوان المراجل كايده والطريق اتعيب = أبسعى لها لكن ماني بغاصبها

المشاركة الأصلية كتبت بواسطة ساكب الحرف (المشاركة 383467) صح لسانك اخوي القدير الشاعر اللذي نتطلع لجديده دائما واللذي ارتبط بالجزاله والمعاني الثمينه انت يابوخالد تكتب لنا مابداخلنا فنتابعك بشغف دمت للشعر

صح بدنك اخوي ساكب الحرف اسعدني مرورك
الله لايهينك تحياتي لك