هيّضت خافقي بنت الدلع والـدلال.=يوم قامت تمايل راح قلبـي يميـل.
هزّت الخافق المجروح بنت الحلال.=ما درت عن خفوقٍ باالمحبه عليل.
زبدةٍ شفتها يالربع جابـت هبـال.=استعد العقل يشحن متاع الرحيـل.
ارجفت فالضلوع العوج كلمة تعال.=واستبان الغلا واصبح بقلبي دخيل.
يوم نادت ولدها لاح برق الخيـال.=ثغرها منبع البرق وخيوط المخيل.
وردة الغصن لآنت بالقراح الزلال.=مبسم البدر ورده فاح منها رحيـل.
علقت فوق جرفٍ للهواوي هيـال.=قلبي اللي بجرحه فص ملحٍ نزيـل.
المحبه حياه و روحها في وصـال.=والوصل مات دامه فيدين البخيـل.
حر الاشواق ظامي لَوِ بعد الزوال.=والمصيبه لقلبٍ مالقى لـه صميـل.
رحلة العقل في درب المحبه خيال.=حب قلبي مسافر مايعرف المقيـل.
مع تجاعيد وقتي ماتت احلى ليـال.=الوريد الخضر مشتب مثل الفتيـل.

الله ..الله