|
جرحين
يامل قلبٍ يتله بالهوى خِله =(تل الرشا من شفا مطوية الجالي) الغالي اللي حديثه لي ما أمله =مثل العسل يوم اذوقه اطعمه حالي شمالي الاصل والا الفصل مادِلّه = الا ان ذوقه خذى قلبي يورى لي ماغيره احدٍ سطا بالقلب واحتله =جرحين من سطوته دائم على بالي الجرح الاول بعيد ديار ما اوصل له =والجرح الاخر غلاه اثر على حالي اثر الهوى لاتمكن علته عله = ماله علاج ان فقد لمواصل الغالي من بعد فرقاه صارت حالتي لله = مجنون صاحي ولا اسمع شور عذالي والقلب تلعب به الاشواق وتله = والشوق حره يشادي لاشقر اللالي |
رد: جرحين
الاخ الشاعر راع الوفا انت شاعر جزل متمكن ولايختلف عليك اثنين وهذه قصيده رائعه من قصائدك الجميله
ولاكن لي ملاحضه بسيطه ارجو منك تقبلها بصدر رحب اخوي عجز البيت الاول والذي تقول فيه طي الرشا من شفا مطوية الجالي الشطر هذا قد اورد في قصيده سابقه لا اعرف صاحبها وقد تطابق الابيات او القافيه مع الشعرا مافيه مشكله والمطلوب لوا بس قوست الشطر حتى لاتضيع حقوق الاخرين لاكان افضل الله يعطيك العافيه وانت شاعر لاتنقص من شعرك هذا والله يوفقك |
رد: جرحين
صح لسانك واعتلا شانك
يابو ماجد واذا حضر راع الوفا حضر الابداع قصيده رائعه حقاً.. وبالنسبه للشطر اللي اشار له شاعرنا ابو حسين ليس مقتبس نصاً وانما يعتبر من توارد الخواطر ودمتم بود . |
رد: جرحين
اخوي راع الوفاء
قصيده جزله ووافيه من شاعر كبير كشخصك الكريم وبالنسبه لأشارة الاخوه الشاعر علي الدجيماء وتعقيب المشرف ابن الشاعر اعتقد ان الشطر نصه (تل الرشا من شفا مطوية البيري ) وهذا لايتعارض مع ماقال الشاعر راع الوفاء رأي شخصي دمتم بخير |
رد: جرحين
كفيت ووفيت يا راعِ الوفا بهذا النص
صح لسانك ولا هنت على هالجزلة ... |
رد: جرحين
عدم المواخــــــــــــــــــــــــــــــــذه
انا اشاهد ردود الاخوان بعدم قناعتهم بما قلت وانا والله من المتابعين لشعر راع الوفا ومن المعجبين بهذا الشاعر علمآ بانني لا اعرف هذا الشاعر ولاكن شعره يفرض احترامه ومتابعة قصايده بكل شغف وهو شاعر غني عن شهادتي . وانا عندما شاهدت بعض الردود التي ضد ملاحضتي تم البحث عن ماذكرت سابقآ ووجدت الشطر لشاعر الكبير بديوي الوقداني العتيبي والذي يقول من قصيده طويله ومشهوره لانخفا الجميع واذكر لكم هذا البيت ريح العوالي من المنشا تجاذبها=جذب الرشا من شفا مطوية الجالي وانا اقول كثير من الشعار قصايدهم توافق بعض ابياتهم او اغلب ابيات القصيده بس المفروض ان الشاعر اذا توافق بيت او بيتين او اكثر يقوس الابيات المسبوق عليها حتا الناس ماتتهمه بالسرقه اذا كان عنده علم هذا ماحبيت توضيحه |
رد: جرحين
اخوي الشاعر الكبير علي الدجيماء
كفيت ووفيت وبعد ورد في قصيده اخرى تل الرشا من شفا مطيوية البيري ايضاحك في محله وانت مايجي منك خطاء ولكن كلن يعطي برايه واخوي راع الوفاء شاعر كبير وراح يتقبل ماقلنا بصدر رحب شكرا لك اخوي على تعقيبك |
رد: جرحين
اخواني الغالين جميعا بدون استثنا لكم كل التقدير والاحترام
سعادتي لاتوصف بتواجدكم والحوار لايفسد للود قضيه ولا اخفيكم ان توارد الخواطر حاصل لدى من يتوغل في اعماق القوافي مثل قصيدة الشاعر التي يقول فيها ياكليب شب شب الضوء ياكليب شبه 000000 لذلك فات عليه ان اضع الشطر بين قوسين والان ليس لدي صلاحيه لانها من تخصص المشرفين والمراقبين كما تعلمون اكرر شكري وتقديري لكم جميعا واعتز وافتخر بحواراتكم |
رد: جرحين
مشكور يابو حسين وبيض الله وجهك على اهتمامك ومتابعتك
ويابو ماجد لاهنت وتم تقويس الشطر ودمتم . |
رد: جرحين
صح لسانك أخوي راع الوفاء
|
| الساعة الآن 10:20 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
