دارت رحى الفتنه وآخذت من الزمن كشف الحساب=وسويت سماعة تصنت قبل أقفل بابها
ومديت للطيب حبال الوصل قبل الانسحاب=وهبيت راع اللحيه اللي ماتعز اشنابها
مافيه بنك بلارصيد ولاسؤال بلاجواب=ولافيه عذرللضيقة(ن)ماأحد(ن)يعرف اسبابها
والحاقد اللي نيّته سوداء مثل لون الغراب=آصله شقي وأهل النوايا السود مانشقى بها
صحيح مارد الجمل عن سكته نبح الكلاب=ولاهمته شهب الذياب اللي تحد انيابها
واللي حصيله فالمزاود لايفتش فالعياب=يبعد عن الشجره ويسلم من مشاكل دابها
سويت للموجود كشف وكشف ثاني للغياب=مخالفات(ن)ذمة الرجّال ماتبرى بها
والله ماآهاب من العباد آخاف من ربي وآهاب=والجلسه اللي ماتليق بحضرتي ماآرضى بها
أنا مزاجي هكذا لي نظرة(ن)يم السحاب=ولاصوبتني بالهوى عذراء(ن)تحط خضابها
وأشره على الطيب وأسيّر مع عزيزين الجناب=وزلة نظيف القلب والله ماحسبت حسابها

والله ماآهاب من العباد آخاف من ربي وآهاب=والجلسه اللي ماتليق بحضرتي ماآرضى بها
أنا مزاجي هكذا لي نظرة(ن)يم السحاب=ولاصوبتني بالهوى عذراء(ن)تحط خضابها
وأشره على الطيب وأسيّر مع عزيزين الجناب=وزلة نظيف القلب والله ماحسبت حسابها

صح لسان الشاعر / بدر ابن شامان الشيب
شاعر غني التعريف
وقصيده من ذهب
ولا هنت ياخوي فايز على نقلها لنا
ونطمع بالمزيد
.