قالت أفهمني وركز يافطين = قلت قولي قالت أنا لي طلب
قلت حاضر وأبشري باللي تبين = كل ما تبغين في سد الشنب
قالت أنته صعب قلبك ما يلين = والمصيبه كيف يعجبك العجب
قلت أمانه واسمعي لاتزعلين = قمة الأخلاق عندي والأدب
قالت ألحقني ترى قلبي حزين = لاتخليني بساعات الغضب
قلت وش في خاطرك لاتستحين = التفاهم زين يابنت العرب
قالت أسمع من لساني كلمتين = شعرك اللي شدني يمك غصب
قلت شاعر والله أعطاني يقين = القصيد أكتب حروفه من ذهب
قالت انا وحده من المعجبين = من جوابك توك تعرف السبب
قلت يمكن فالكلام تجاملين = أكثر الشعار في شعره كذب
قالت أحلف لك برب العالمين = شعرك يدخلني بجو الطرب
مد لي يمناك وامد اليمين = لاتشب النار وتحط الحطب

المشاركة الأصلية كتبت بواسطة ملكة القوافي (المشاركة 392667) مبدع الله لا يضرك صح لسانك أخوي الحميدي بن فارس الميزاني

اختي الغاليه ملكة القوافي صح بدنك
اسعدني مرورك وحضورك والله يعطيك
الف عافيه تحياتي لك لاهنتي

المشاركة الأصلية كتبت بواسطة ساكب الحرف (المشاركة 392673) صح لسانك اخوي ابوخالد والله انك دخلتنا جو الهوا ومعابله قصيده جزله ووافيه الف شكر لك دمت بخير

اخوي ساكب الحرف صح بدنك
والله لايهينك تحياتي لك

المشاركة الأصلية كتبت بواسطة أبن مصاول (المشاركة 392739) صح لسانك يا أبو خالد ومبدع كعادتك يا شاعر النخبه , ولا تحرمنا من جديدك

صح بدنك اخوي ابن مصاول اسعدني
مرورك وحضورك الله يعطيك
الف عافيه تحياتي لك