ياترف الاقدام لو تدري عن اوضاعي=انكان ماصارت اخلاقك تجاريه
كويتني كية(ن) من دون مرقاعي=لا والله الا غرامك جمرت (ن) حيه
وخليتني ماني ابنايم ولا واعي=بعدك ترا حالتي ماهي طبيعيه
ولا قلت حالي قضا طقيت الاصباعي=يافزعة الله اثر مافيك ماويه
يابو عيونن نواعس دعج ووساعي=اسرفت فالقلب والعين الشقاويه
مال الجفا والهجر في ذمتي داعي=الا اذا كان تقهرني لعانيه
جمع اجيوشك وزيد اوجاعي اوجاعي=جيش النواعس ليا لديتها فيه
اعلن بنصرك علي وصير طماعي= اذبح خفوق الدجيما نعنبو حيه
اللي ليا شاف رقمك فز مرتاعي=فزة مهرب لمحله جيب دوريه
تكانفوه الحرس والناس هجاعي=لين اعطبو موتره بذخيرة(ن) حيه
وانا سواته ترا مستقبلي ضاعي=ولاهو بواجب تبرد حرتك فيه
طوعتني في هواك وصرت مطواعي=يوم استغليتني وانا على نيه
معاد باقي علي كود الاقلاعي=حطيت للقلب جنحانآ صناعيه
مدام حبك توصل لوية اذراعي=بكره ابمشي بلا غتره وطاقيه
لصار مجنون ليلى صيته ايذاعي= خلوني اصير مجنون (00000000)

مــــدام حــبــك تــوصــل لــويــة اذراعـــــي
............. بــكــره ابـمــشــي بـــــلا غــتـــره وطـاقــيــه




يا الله دخيلك من حبٍ يلوي ذراع راعيه ..


صح لسااانك يا الدجيما ..

قريحة متدفقه بعذوبه
ونص نابض بالشاعرية والمشاعر الجياشة ...




تقبل تحياتي ..

قصيده اقل مايقاااااال عنها رااااااااائعه
صح لسانك ولاهنت