سلام ياهل المنتدى من شاعرن فكره سليم = ان جابها ماردها وان ردها ماجابها
يعرف بني ميزان من ثرب المسمى للقصيم = ولا جهل بديارها ولا جهل بنسابها

يامرحبا يالي تقول انك معافى مستقيم=والناس ماتعرفك يالي واقفن بأبوابها
محدن جهلنا وانته المجهول ياراحل مقيم=ان كان مايوجد حرج خيمتك وين اطنابها

دام البقا وانا من اللي مايهابون الخصيم=اصلي مطيري عبدلي والنار من شبابها
محدن جهلكم صح ياهامور والمولى عليم=وانكان تنشد خيمتي رزيت لك منسابها

يوم احتمى الميقاف والنيران شبت فالهشيم=تبا تقول ان العبادل لحيتي واشنابها
ماودنا نجهل مع الجهال والسبه غشيم=كل عشان الارض ماتحتاج كل ترابها

اليا احتمى الميقاف رميتنا توقع بالصميم=اعرف ويش اقول واحسب للعلوم حسابها
ماني بجاهل مار لاينغزك شيطانن رجيم=واللي يدور للبلاوي ياولد يبلا بها