فهـد العازمي

سلام الله ياعبدالله يابن غازي وكل مطيـر
وكل الحاضرين وساعة الرحمـان محضـوره

ترى المقصد مغير التسليه والطيـب والتقديـر
سلومن مافرضها الشيخ ريس مجلس الشـوره

عبدالله الميزاني


هلا يامرحبا يا العازمي ياغير كل الغير
متى فتح وحماس تفيدنا عـن ساعـة الثـوره

ترى ماكل من يرمي حمامه وشبكـه للطيـر
يجيهـا الطيـر متحمـي بمخلابـه ودنقـوره



فهـد


ابا رسلك رساله في جناح الطير الابيض ميـر
ترى مهي رساله في جناح الطيـر مصـروره

انا ماني بصيـاد الحمـام اللـي يديـر البيـر
طيور تطيـر ولا ماتطيـر اطيـور مطيـوره


عبدالله


الا ياصحابنا الروقه رسايلكـم شـره وبعيـر
ولا ينقصكـم الا مقبـرة موتـى وشرشـوره


تذكرني حناتير البحـر فـي شـادي الحنتيـر
ولا يالله عسها في عبـل مجـرور مجـروره


فهـد

عسى الله يكتب الخيره وانا عندي وعندك خير
ياراع الصيده اللي يوم طاحت كنهـا الكـوره

مادام الانس له تفكير اكيد الجـن لـه تفكيـر
ياليت الانس عند الجن صبح يصير لـه دوره


عبدالله

فيالق عسكريه في قتال وحرب وانـت اخفيـر
متى تبدي لنا احداث الزمن باالصوت والصوره

الا يا العازمي تقدم على اكبر منك وانت اصغير
علومك مقتفيهـا حضـر والعتبـان محظـوره

فهـد

رفعنا بيرق استحلال جنبـه بيـرق التحريـر
وبعض الناس وش مشقيه والاحـوال مستـوره

تقوله وانت ماتدري عن الاوضاع ويش ايصير
هذا شان البشر فـا الكـون منهيـه ومامـوره

عبدالله

من البصره من الوفره لقينالك بعـض توفيـر
معك مشلح وتنوره تحسبك مثـل اخـو نـوره

ولا يا العازمي بعض المعانـي مالهـا تفسيـر
على مشهد نخيلن خاويـه وابيـوت مهجـوره

فهـد

انا ماشي بدربي ما التفت ولا عكسـت السيـر
وعبدالله ولد غـازي وغيـره نـاس معـذوره