منتديات الموازين الرسميه - اقوله يوم حمران النواظر كا الجبال السود !!! أولــــى صافحه @

هذه القصيده من الأرشيف ..
واتمنى ان تنال القليل من إعجاابكم ..
والجميع له حـــق ..
وابارك للأستاذ الشاعر
ملفي ابن جفين .

سلام الله سلام(ن) كـل ماهبـت هبـوب النـود
تفاخربـه هبـوب النـود إليـا هبـت هبايبهـا

سلام الله على اهل الحفل وكل اللي لفـوه وفـود
اقولـه للابـة (المطران) حاضرهـا وغايبـهـا

تلبس ياسمـاء عنيزه لــ ربعي واشتبـك بـورود
وصدى فرحتك للعزوه بمشرقهـا ومغربهـا

دعاني يمكم فهد(ن) تربـى فـي عريـن فهـود
ويشرفنـي البـي دعـوة الغـالـي وأوجبـهـا

على وضح النقا والطيب ووصات(ن) لأبوي العود
بمواجيب الرجال اللـي سلـوم الطيـب مذهبهـا

وجمعتك ياحروف الشعر وسقتك سوق ركب الذود
مرابعها ورى عـرق النفـود وجيـت شاعبهـا

ركاب الطيب والمبدأ تزاحـم عنـد ربـع الجـود
بحراها لابة (المطران) وعجـلات(ن) ركايبهـا

على ايمن فخذها وسم العقيلي والوسـوم وكود
لياجالت مـع المطـران مدركـت(ن) مضاربهـا

اقوله يـوم حمـران النواظـر كالجبـال السـود
وما أحد يرقى الجبال السود إليا بانـت صعايبهـا

وأنا عهد(ن) علي انـي لأمجـد لابتـي بحـدود
وما احد يجحد فعـول مطيـر والتاريـخ كاتبهـا

ترى للمعجزات مطيـر رايـه والفعـول شهـود
ثلاث(ن) عجـزت كـل القبايـل مـن عجايبهـا

اقولـه والقبايـل مابهـا تقصيـر او منـقـود
وغيري قالهـا لمطيـر .. وهـذا حـق واجبهـا

ومادام ان الزمان ادرى وعباد الله خير أشهـود
أجي لمطير فـي وسـط المحاضـر وأستعزبهـا

واقـووول الله ياربعـي لياهبـت هبـوب النـود
ترى لمطير ربعـي فعـل إليـا هبـت هبايبهـا

وعسى الله يحفظ الإسلام ويحفظ عزنا آل سعـود
ويدوم العـز فـي دار(ن) تعلـت مـن حبايبهـا

مــــــــــودتي .