قالت لي أبعد قلت حاضر وممنون=آبا أبتعد دامك نويتي فراقي
هذا وعد مني ولو عشت مغبون=والله ما أرجع لو يزيد إشتياقي
لي عزت(ن)غصبن على نفسي تمون=ماتنحني دامي على الارض باقي
ليلى لقت في عالم الحب مجنون=وانا لقيت اللي بها القلب شاقي
من عصر أبونا آدم ومن عصر فرعون=والحب خيل(ن)تستلذ السباقي
أتعبت رجلي في متاهات مزيون=لا واحسافه ليتني صنت ساقي
ولاني في بعض المتاهات مرهون=انا رهينة مشبعين السناقي
انا مطيري من مناعير ميمون=ربعي هل الوقفات يوم التلاقي
ماهمني من غيّر الشكل واللون=يوم(ن) حلو وأيام مرّ المذاقي
الله عطانا عقل يابنت وعيون=نعرف طريق الحق والحق باقي
وماهمني نشرة وكالة يقولون=هذي وكاله تابعه للعراقي
قولي وقولي غيّر الشكل واللون=ما أنحني دامي على الارض باقي

أتعبت رجلي في متاهـات مزيـون=لا واحسافه ليتنـي صنـت ساقـي