أشره على اللي مايسندها على الركن الشديد=ليا برّكت دهم الهموم اللي تعوج أرقابها
واحتجت لحزام المواقف من بعيد ومن قريب=وتساوت حضور اليدين القاصره وغيابها
يالله عليك الإتكال وعندك الخير ومزيد=يامسبب الارزاق ومسهّل وصول اسبابها
أنت الذي يغضب إذا لم نسأله مما نريد=والناس تغضب لو نبا نسأل ونطرق بابها
الاعتماد المعتقد عليك والعلم الاكيد=لو بارت اصحاب السعه حزت لزوم اصحابها
وسمعت عذر(ن)معتبر واوحيت عذر(ن)مايفيد=لنا الظواهر والبواطن غيب مايدرىبها
وحصل سقوط الاقنعه لااللي معه شوف(ن)حديد=واللي معه شوف(ن)حديد النار ماياطا بها
والمشكله ماهو الخطأ المشكله إنك تعيد=نفس الخطأ وتقول هذي بلوة(ن)نبلى بها
وقل المَعَرّفه كارثه ماهي مثل قل الرصيد=وقل العمل بعد التعلم كارثه يدعى بها

المشاركة الأصلية كتبت بواسطة مواعيـ سراب ـدك (المشاركة 396558) صح لسان الشاعر عزيز وبيض الله وجهه على هالابيات الطيبه والجزله ويعطيك الف عافيه يفايز على نقلك لها .. وبنتظار كل جديد منك

حكمه لا يقولها إلا شاعرٌ حكيم...

صح لسان الشاعر / عزيز الشيب
قصيده تتوهج من الحكم اللي فيها


وهذا البيت اعتبره عن الف بيت
والف شكر لك يافايز
على اتحافنا بالشعر الحقيقي
.

المشاركة الأصلية كتبت بواسطة أبن مصاول (المشاركة 396621) صح لسان الشاعر عزيز بن صالح ولا هنت اخوي فائز على النقل الموفق وقد أعجبني كثيراً قوله: والمشكـلـه مـاهـو الخـطـأ المشكـلـه إنــك تعـيـد=نـفـس الخـطـأ وتـقـول هــذي بلوة(ن)نبـلـى بـهـا وقـل المَعَرّفـه كارثـه ماهـي مثـل قــل الرصـيـد=وقــل العـمـل بـعـد التعـلـم كـارثـه يـدعــى بـهــا حكمه لا يقولها إلا شاعرٌ حكيم...