من يعرف لمن هذه القصيده
 

السلام عليكم من عنده اي معلومات عن القصيده ذي لمن لايبخل علينا لاهنتوا


البارحه مدري وش اللـي خذانـي
يوم اجنبو عني من الضيقه اشملت
جيـت اتكلـم بـس عيّـا لسانـي
ماكني الا مرتكب ذنـب واخملـت
الله يسامح مـن ذكـرت ونسانـي
وانا ادري انـي لاذكرتـه تجملـت
عانيت وادري كـل طيـب يعانـي
وعلى حساب طعوني الخضر جاملت
ياما خذوا منّـي ولاحـدٍ عطانـي
من طيبتي في حق نفسي تساهلـت

عـزاي لامنّـه تجهـم زمـانـي
يممت وجهـي للكريـم وتوسلـت
واللي يبي قربـي وبعـدي لقانـي
امشي على وضح النقـا ماتختلـت
مرات احس انك معي شخص ثاني
ومرات احس انك حبيبي ومازلـت
لاتفرح انك دجـت بيـن المحانـي
لـو ماتخـون الذاكـره ماتسللـت
عشان ماضيك الجميـل وعشانـي
حاول تشيل من الوفاء ربع ماشلت
ماني على خبـرك حبيبـي ترانـي
حتى عن صغار الامانـي تنازلـت

رد : من يعرف لمن هذه القصيده
 

نعم اخي نواف أبو يديه هذه الرائعه إحدى روائع الشاعر متعب التركي..

وهذه صورته قبل أن يلتزم
http://www.alriyadh.com/2005/12/08/img/081328.jpg

والرجل ترك المجال الشعري بعد إلتزامه....ولكنني أعتب عليه لتركه المجال الشعري فالمفروض أن يستغل شعره في أغراض أخرى مثل الوعظ والأستعطاف من الله والتبهل والنصائح ..

أشكر لك اخي نواف على أختياراتك التي تدل على ذائقة شعرية رفيعه..

أخوك ابن مصاول