منتديات الموازين الرسميه - الشاعر الفزاع بين يديكم

مرحبا بكم جميعا .. حبيت انقل لكم هذه القصائد للشاعر الفزاع والتي بصراحه احتوتني كثيرا واعجبتني ..لذلك اردت انقلها لكم كي تستمتعوا بقرائتها .........
****************

ياللي غرامك هزني بين الاضلاع
توبـه اذا شقيـت فرقـاك توبـه

الله وهبك اوصاف واخلاق واطباع
تسبي شمالـي الخفـوق وجنوبـه

نهيت قلبي عن وصالك ولاطـاع
غلاك تهمـة والمفـراق عذوبـه

وفي كل مصياف وفي كل مرباع
وفي كل وقت وكل لحظة ونوبـة

من حقي اطمع فيك واصير طماع
لو دون وصلك ياحبيبي صعوبـة

صحيح من ينهل من الشوق يلتـاع
يشرب ولايقطع ظمـاه بشروبـه

الهجر بدعـة عاطفيـة والابـداع
واصلك في ليل يرتسم لي غروبه

والورد ينبت يوم تمشي على القاع
والصبح انفاسـك تعطـر هبوبـه...

*************
تفرقنا السنين ونجتمع والجرح نفس الجـرح
على درب الفراق دموعنـا تسبـق خطاوينـا

شرحت ظروفنا للوقت لكن ما فهـم للشـرح
صبرنا والصبر جمره ورا الاضلاع كاوينـا

ترى وجه المتيم لو تبسـم لا تحسبـه مـرح
مانيـه اتهـاوى مـن عيونـه مثـل امانينـا
بنى من ذكرياته فى محيط العاطفه كم صـرح
كن هاج المحيط وما لقى له ساحـل ومينـا

يا ناس العيد ماله لون ولا له طعم ولا له فرح
واذا قلتـوا وش الاسبـاب قلـت الله يعافينـا

نلوم الوقت والقصه ما تبغي جمع ولا طـرح
لأن العيب مـن ربـي خلقنـا ساكـن فينـا

****************

طاوعك قلبك تغيب وتهجـر أحبابـك
تنسـى غلاهـم وتتركهـم وتنساهـم

حرام تترك خفـوق يشكـي غيابـك
وأنته بقلبي اعـز النـاس واغلاهـم سيدي يا عديـل الـروح يـا فاهـم

وانت بوجه اشتياقـي تغلـق ابوابـك
وانا اقرب الناس من قلبك و أوفاهـم

نسيت حتى تقول اشفيك وش صابـك
يوم الألم عـذب عروقـي واشقاهـم

بديت ناس علـى ناسـك واصحابـك
ما اتعبـت نفسـك تدورهـم وتلقاهـم
نامت عيونـك ونـام الليـل باهدابـك
والي شكوا غيبتك ذالنـوم مـا ياهـمزادوا على جرحهم كم جرح باسبابـك
وان اقبل الليل صوت الجرح صحاهم

أرسل لك عتاب قلبي و أحسب حسابك
وأبياتي البيض دايـم باسمـك ابداهـم

يجبرني الشوق يجبرني على عتابـك
واتمنى تقرا وتعـزف قبـل تقراهـم

لمت الخفوق الي اذا قابلك هـلا بـك
يا اطيب الناس في عينـي وأغلاهـم

طاوعك قلبك تغيب وتهجـر أحبابـك
تنسـى غلاهـم وتتركهـم وتنساهـم

*****************

وتقبلوا خااااالص تحياااااااااتي ..
درة القصيم