مرحبا في محـل الشيـخ راع الامـاره=ناصر الشيخ ابن مدلج عريب الجدودي
من ذوي فاضي شيوخ الشَمَل والنعاره=يـوم فـرك الخشـوم ويوم قـدح الزنـودي
جـدنـا فاضي ابن الشـيـخ شبـاب نـاره=مايهاب الخطر مسطـور ليـث الاسـودي
أطلع الدلبـحي يـوم الشـريف استثـاره=وحـطّـم البـاب والقلعـه وسبـعة جنـودي
عن يمينـه أخوه مصـاول ومستشـاره=والشـجيـع الرويـس اللي يسـاره يـذودي
ذي افعولـن لنـا ماهـي لنـا مسـتعـاره=يــوم كــلــن بـفعــلــه بــلمـلاقى يــزودي
ذا ولنا أفعول ٍ اخرى اليا جـات غـاره=مـثـل شـوخ الـقبـايـل مانـبـلهــا شـهـودي
لسرجت خيل ابن مدلج وثوّر اغباره=ثم صارت على البيـداء سـوات الـعمـودي
فوقها اشجع بني ميزان فعل ومهـاره=ربـعـي الـلـي يـضـدون الـعـدو الــعنـودي
ألـهـم بوسـط قـلـبـي يامـحـمـد وقـاره=وافتخر فـي بنـي ميـزان ربعـي اعضـودي
دون نقص القبـايل بـدو ولاّ حضـاره=مــسـقــيـت بــلـمـلاقى سـم مــر الـكـبــودي