الفناجيل ضميا عقب دلتها=كيف ترحل وقلبي فالهوى حامي
اعرف ان الهنوف اليوم سوتها=مانفعني ترى تفكيري السامي
وقلبي المغرم اللي حب طلتها=عاش عمره متيم كله هيامي
قوة الصبر عندي عكس قوتها=ناضرتني وقلبي طاح قدامي
ماكتبت القصيد الا بسبتها=فالقصايد تراها مصدر الهامي
لهفة الشوق عندي كيف خلتها=علقتها وانا مشغول باوهامي
صفحة ايامنا راحت وطوتها=اتركتني وقلبي فالهوى ضامي
يامحمد ترى الاعماق خاوتها=كيف انا اعيش قلي باقي ايامي
ضاع حلمي بعد ضيعت جرتها=مابقى غير الاملم جرحي الدامي
عين حاسد ومرت ماتعدتها=جعل عين الحسد تمرض ولا تنامي
والا انا مالي الا اشوف صورتها=يمكن بشوفها تهدالي الامي
يارفيقن توجه يم ديرتها=هاك كل الرسايل جفت اقلامي
شوف حالي وقارنبه بحالتها=قلها كيف ماتتلي احلامي
شوفها كانها لي ماتمنتها=اعرف ان الهوى للحين مادامي
كل ذكرى تجيني ماتناستها=كيف شخصن سواتي فالهوى يلامي
قلب عاشق تولع في محبتها=ابتداء الحب عز وراح منضامي