ياهلا يامرحبا واعداد وبال المخيله = وعد ماتبد النجوم اللي تلامع في سماها
صاحبي منصور ماجانا قبل حنا نجيله = جعل هقوتنا ماهو من دونها دايم وراها

البقا يابو الهواجيس المثيرات الجزيلة=عدّ مانفرح بالآجواد المطاليق ونباها
المهم إن الشجاع اللي على ظهر الآصيلة=كل ديرة مرها لابد ياكل من عشاها .!!

الدروب اللي تودي مايضيعها الدليله = اتجاه الارض يعرفها ليا منه مشاها
وانت ياراع الاصيله مالقينا لك وسيله = انتبه لاتحطك اذئاب الدير وجبة غداها

مايضيع إنسان معه البوصله ..والله وكيله=العقول البوصله .. ترفع عن الجاهل غطاها .!!
الصقور الشقر ياراع العلوم المستحيله=ماتصاد وتعطي من الصيد يوم الله عطاها .!!

المشاركة الأصلية كتبت بواسطة أبن مصاول (المشاركة 405762) متابعين وما شاء الله عليكم يالشعار وهذا الرد اللي نبيه والسرعه التي ننتظرها والجزالة التي تسعدنا ...عيني عليكم بارده

المسافر يالضباطي لاضمى ينظر صميله = واكثر الصملان مع شقانها يضيع ماها
والصقور اتخاف واعقاب السما مافيه حيله = العقاب يصيدها صياد لاحول علاها