يا راعي الغر العذاب المباهيش=رش الكبود اليابسه عن عطشها
دنق علي وطمن الراس بشويش=واحي العروق الذابله وانتعشها
حبك ينهش ثومة القلب تنهيش=نهش الحنيش لعرش رجل نهشها
واهل الهواء في سجن غيك دروايش=وقلوبهم وجلانة من دهشها
من ذاق من خمر السوالف بخاشيش=يبطي وروحه معتلقها بلشها
ولا تستمع فهل الحكا والوشاويش=ناس انقيلي الناميم دبشها
يا خشف ريم ذار واوحي شوابيش=بدوا طلوع الشمس ذاره وغشها
والعين عين اللي جسر عقب توحيش=امير بيتي الحرار اوحشها
طرح الشبك ما قلبوه الطواريش=ولا قرنسوه اهل العشش في اعششها
وحش وجاي من بعيد المناطيش=عوق الخريش اللي طياره خرشها
لا قام ياخذ من طرق ريشها ريش=واليا قضا لعبه عليها لكشها
جابوه من عين الشمال الهماميش=ابرك لهادي طرشة قد طرشها
جابوه لمثمن طويل المطاريش=شيخ قوانين العرب ما دغشها
محمد عشير منقضات العكاريش=نجل العيون اللي ملاح بهشها
ومهدي للي براسه نغاميش=لا شوشت حيات الارض وحنشها
محمد مقابل قاصده بالتباهيش=وملفى الرجال اللي جميله غطشها
ودايم وبيته مدهل للمداغيش=وكم روح معسور بجوده نعشها
لا يبعد ناس تكبر على ويش=لا شافت الناصي تلوت خششها
لو يملكون ارقام الاموال حتيش=در الحماره دوب يكفي جحشها
وروس الضبا ماذكر فيها عراميش=لو هي على الزيله كبار شوشها

يعطيك الف عافيه
تقديري لك

وروس الضبـا مـاذكـر فيـهـا عرامـيـش
لــو هــي عـلـى الزيـلـه كـبـار شـوشـهـا