كانت آحواله بخير ونعمة(ن)مستوره=وراح مع يدها بعد ماراح يطلب يدها
قالوا الطيّب تشرّف جيّته وحضوره=أبرك الآيام والله شوفتك وآسعدها
كيف وضعك قال كل شروطكم مقدوره=لو تبون أشدد الضلعان آبا أشددها
كلمة المستعجل اللي مايحكّم شوره=مادرى عن غيب الآيام ولاعرف موعدها
ويوم لدّّ ليا الحمول مصلّبه مجبوره=تكسر خشوم الجبال الصمّ وتهددها
وقال تمّ وحالتي ياأنسابنا ميسوره=وقال في نفسه بصوت(ن)منخفض ماآجدها
وحددوا وقت الزواج الليله المذكوره=ليلة الدخله فرح وسرور لمحددها
دين وآسلاف وحصيله ماجمع بشهوره=روّحت واللي بقى دفعات(ن)يقاصدها
وإنتهى شهر العسل باآناسته وسروره=والقصود مطوّفه والناس ماسددها
وغيّر الجوال بعد أعجزته الفاتوره=وأكثر الارقام لو يشوفها جمّدها
وموتره سكراب قربوع(ن)مايالع نوره=كل من شافه من الجيران قال آبعدها
والعروسه ماقدر يشري لها تنوره=كيف لو تطلب ذهب يمكن يبا يطردها
ياجماعة خير هذي مشكله مشهوره=توقف الخطّاب سد الباب وتعقدها

يعطيك الف عافيه
تقديري لك