أيوالله أحبك وحبي له أسباب = وأغليك لجل أسباب فيك معروفه
تدري حبيبي كل مافيك جذاب = هذا الجمال اللي قليله اوصوفه
مهما جرحت القلب وأحرقت الأعصاب = أشوف شيّن فيك محدن يشوفه
ليتك تحس وتعطي الحق طلاّب = من شان يوم أغليك ماهو حسوفه
إن غبت عني كن نور القمر غاب = وإن جيتني كل الهموم محذوفه
حتى غيابك دايم اّخذله أحساب = خليت قلبي بين همه وخوفه
جرحي عميق وخاطري منك ماطاب = والوقت معيه كيف تسمح ظروفه
بعض الكلام يجيك له سلب وايجاب = وانته لك الكلمه تجيك أمعسوفه
معك عقيم الهرج ما ينجب أنجاب = ماله مساعي مثمره ومخلوفه
هل يا ترى تعرف ميولي والأعجاب = ولا مثل ما قيل لوحه بطوفه

المشاركة الأصلية كتبت بواسطة ابـــ فواز ـــو (المشاركة 408263) الله الله يابو خالد كلي شرف بأني او من اطلعت على جديدك واول رد لله درك في قريحتك المثريه دائماااا صح لسانك ملألألألأين ومتابع لك بقووه تحياتي لك

المشاركة الأصلية كتبت بواسطة شاعر الحب (المشاركة 408283) ليتك تحس وتعطي الحق طلاّب = من شان يوم أغليك ماهو حسوفه صح لـــسانــــكً تقبـــلـوً مــرـــوــري

شاعر النخبه ،

شاعر عذب ، متمكن من أغراض الشعر جميعها ،

أبو خالد ، أنت تكتب الشعر الخالد !!

فـ / يصببنا مما تكتب الذهول ،
فنردد ماتقول ..


لله درك يامبدع ..

/
احترامي