حلحيل حلو مر زراع حصاد =كبدٍ يداويها وكبدٍ لهدها
ولي عجوز من ورى شط بغداد =سمت على الشيب الفلاحي ولدها
تبغاه يطلع مثل زايد ولا فاد =وما كل من هاز الطويلة صعدها

ما أطول يابوفيحان صبر صبرناه =وانت الشهر عديت باقي اسبوعه
لا تغبط اللي صار زوده بدنياه =يتبع هوى نفسه وغير طبوعه
مخطي طريق الحق غاد بعمياه =يجمع وصخ مال زوال نفوعه
اغبط تقي صار زوده بتقواه =عبد لصوت الحق يرخي سموعه
يفرح بصوت منادي الحق ناداه =عجل على المسجد بطيْ ركوعه
والا ترى الدنيا حدود مسماه =لا بد مايقفي وتقفي زروعه