انا هوايه ســـــجة الــــبر بالــــــــجيب=يسجبي حدر الــــمزون النــــواشي
يسجبي وابدي بعال المــــــــــراقيب=لازاد هاجــــــوس الضماير وجاشي
مزن الوسوم انصبت الما تــــــصابيب = قفرن نباتــــه ماوطته المـــــــواشي
شوف الفياض يجذب القلب تجذيب = تجذيب شيهان عن ارضن هياشي
هواجسن بالصــــــدر تخطيه و تصيب = واصد عن بعض الحكي والنقاشي
ليا سمعت مشــــذبين العراقيـــــــــــب = اللي عن المقفــــــــــين نقال واشي
وظيفته بين العــــــــــرب راح ويجيب = ومكلف نفـــــسه بليا مـــــــــــــــعاشي
صديت عنه وقلت كافـــــيه تعــذيب = مالي ومال مثـــــــورين القـــــفاشي
نفسي عزيزة مع رجــــال المواجيب = ابيع واشري مع هل الطيب كاشي
وليا حصل خوة طـــوال الاشـــانيب = كلن يقول فلان بالطــــــــيب عاشي
رجالهم يوثب كمـــا يوثب الـــذيب = مافيهم اللي قال نزل فــــــــــــراشي
شبيت ناري والحطــــب تو ماجيب = والجــــــــو غيم وفيه بعض الرشاشي
وتعاقب الفنـــــــجال بين الشراريب = فنـــــــــجال بن في نظيف الغراشي
ساعــــات نقضيها بضحك وتعاجيب = هذي طــراة الـــــــــــروح ولابلاشي
هذا هو اللي جرب الوقت تجريب = والـــبر حبه داخل الــروح ناشـــــــي