قلب المَره صندوق محتاج مفتاح=لا تجهله ياصاحبي حلو الاسلوب
المشكله لو كان له رمز ياصاح=هِنا يحل الصدق ويكون مطلوب
ترى النسا للقلب بستان فواح=يفوح عطره بالمعاليق ويجوب
واكثر خطر للقلب يابنت ذباح=إنه يحب ولا درى فيه محبوب
كل المشاعر صابها نْحيب ونياح=تلبس ظلام الجوف كنّه لها ثوب
رابع بيوت الشعر قدامها طاح=مير البلا لا تفهم البيت مقلوب
زيّنت قافي والمشاعر له اوشاح=كآنه فهمها يآتي القلب وينوب
أبغاه لكن دون قلبه لنا لاح=برق العلاقه ميّع الجوف مكتوب
العمر خيط ٍ فيه الايام مسباح=الخيط بايد والخرز طاح متروب
ارتاح ياعرق الهوى ليه ترتاح..!=راحتك فيها صحة العقل وقلوب
يابنت حوى آدم عياله اشباح=إلاّ بعضهم نادر الوصف مرغوب
ليّن جناب وزين روح ٍ ومزّاح=بين الخلايق طيبة القلب عذروب
والرجل قلبه كوكب اسرار سبّاح=في ظلمة ٍ ما لمّت النور بغروب
بَها جنود الشوق عدوانها امراح=بالعين بارود السهر ثار مشبوب
لا شفت نِكّه خلخل الضلع مجتاح=نبض الغلا بالقلب ما كان محسوب
الشوق ذوّب خافق الود به ساح=قلب الذهب من حبه اليوم مغلوب
يا مَنْ يودي قاف قلب ٍ لها ناح=ازعج سكون ٍ بالمعاليق مصبوب
يْقول صالح ولّع الشمع مصباح=عجّل قبل ما يذبحه صبح ويذوب
يبغاك تسبق طلعة النور مرواح=ويقيم قلب ٍ قدّم الحب مشروب

المشاركة الأصلية كتبت بواسطة صالح بن عمار (المشاركة 415436) العمر خيط ٍ فيه الايام مسباح=الخيط بايد والخرز طاح متروب ارتاح ياعرق الهوى ليه ترتاح..!=راحتك فيها صحة العقل وقلوب يابنت حوى آدم عياله اشباح=إلاّ بعضهم نادر الوصف مرغوب ليّن جناب وزين روح ٍ ومزّاح=بين الخلايق طيبة القلب عذروب والرجل قلبه كوكب اسرار سبّاح=في ظلمة ٍ ما لمّت النور بغروب

والرجل قلبه كوكـب اسـرار سبّـاح
..... في ظلمة ٍ ما لمّت النور بغـروب
بَها جنـود الشـوق عدوانهـا امـراح
..... بالعين بـارود السهـر ثـار مشبـوب

صورة مُتقنة وحبكة شعرية ليست جديدة على صالح بن عمار حتى وإن إختلف القالب الشعري الغزلي هذه المره ..
ونص شعري إختار صالح أن يكون أقرب للتلقائية رغم بعض الرمزية داخله , ربما رغبةً في أن تصل رسالته التي إختبأت بوقار بين الأسطر ..
نص يأتي ليبرهن بأن صالح عندما يكتب
يكتب بإحساس شعري عالي التدفق , ونفس كتابي طويل ,
وكلها من أدوات الشاعر المبدع بالتأكيد ..

المشاركة الأصلية كتبت بواسطة مطلق بن دعيج (المشاركة 415437) إبداااع ياصااالح الله لايضرك

المشاركة الأصلية كتبت بواسطة ابن الشاعر (المشاركة 415574) الله الله على الابداع والتميز صح لسانك يابو ريان وصح قلبك قصيده راقت لي جداً .

المشاركة الأصلية كتبت بواسطة شلاحية مطنوخة (المشاركة 415585) والرجل قلبه كوكـب اسـرار سبّـاح ..... في ظلمة ٍ ما لمّت النور بغـروب بَها جنـود الشـوق عدوانهـا امـراح ..... بالعين بـارود السهـر ثـار مشبـوب صورة مُتقنة وحبكة شعرية ليست جديدة على صالح بن عمار حتى وإن إختلف القالب الشعري الغزلي هذه المره .. ونص شعري إختار صالح أن يكون أقرب للتلقائية رغم بعض الرمزية داخله , ربما رغبةً في أن تصل رسالته التي إختبأت بوقار بين الأسطر .. نص يأتي ليبرهن بأن صالح عندما يكتب يكتب بإحساس شعري عالي التدفق , ونفس كتابي طويل , وكلها من أدوات الشاعر المبدع بالتأكيد .. صح لسانك ياصالح حتى ترضى ..

شلاحيه مطنوخه

لاُيملُ هذا الحرف أبداً والسبب في هذا أن المخيله الفكريه لــ/هذا الحرف تقرأ النص من جميع الجوانب


وهذا قلَ مانجده في الشبكه العنكبوتيه


شلاحيه


حرفٌ دائماً يُخجل أبجدية التقدير لــذا لقد شرفني تجوالكِ عبر أروقة هذا المتصفح البسيط في أحرفه وشرفتني تلكَ النسمات التي هبتْ من حضوركـ يافاضله

إحترامي