يازعيم العرب ماجاك جعله طهور=مايجيكم خلاف وشركم ينجلي
من دعاء الأرمله والعود عقب السحور=طالبين الشفاء لك عزيز(ن) ولي
يا ملكنا بعد ما طبت جانا السرور=قايم(ن) بالسلامه والله المعتني
أعتنى الخالق الرازق بعبد(ن) شكور=من يجود عمود الدين دايم قوي
يازعيم(ن) على الإسلام دايم غيور=كل مسلم يحس بضيق يمك يجي
في طريقك يابو متعب تحط الزهور=وحبكم في قلوب الشعب يالفيصلي
يا ولي العهد والخير فيك مخبور=والله انك بفعل الخير ما لك حلي
ونايف الامن والامن بنايف فخور= له صقور(ن) مجهزة(ن) لمن يعتدي
وحاكم(ن) فالرياض يرد له كل شور= هو فخر نجد يومنه بناها بني
دولة(ن) ثقلها بين إلى جاء حضور=وان سعت في خلاف(ن) فالعرب يستوي
فالحرم خطة(ن) ماجت بكل العصور=من ملوك(ن) لغير الله ما تنحني
القطارات فيها غير بني الجسور=لو تعد المرافق فيه ما تنحصي
الله إنه يكافيكم جميع الشرور=دعوة(ن) صادقه يا ربنا المعتلي
ومن بغا دارنا له علة(ن) فالنحور=له جنود الوطن بالنار يشوى شوي
ما حسبنا لمن يمشي بدرب الفجور=الله اللي كشف بلواه لو ينطوي
الله اكبر على منهو لداره يبور=كيف يفسد بدار(ن) يمها ينتمي

وسلامتكم ..

المشاركة الأصلية كتبت بواسطة ابن الشاعر (المشاركة 416066) صح لسانك وبيض الله وجهك ياعميد شعراء المنندى على هالقصيده الجزله والوافيه .

المشاركة الأصلية كتبت بواسطة ساكب الحرف (المشاركة 416068) من دعاء الارمله والعود عقب السحور صح لسانك شاعرنا الكبير على هالقصيده التي تعبر عن صدق مشاعرك تجاه رمز الامه العربيه والاسلاميه ملك القلوب اسأل الله ان يعيده علينا سالما من كل سوء دمت بخير

المشاركة الأصلية كتبت بواسطة عنود الصيد (المشاركة 416069) مشكور اخوي مقصرت ويعطيك العافيه

المشاركة الأصلية كتبت بواسطة بيـن البشر (المشاركة 416093) يستاهل ابو متعب .. صح لسانك ياشاعرنا ، ويعطيك ربـي العافية .. تسلم يمينك : وتقبل مروري