هاض الهجوس وسقت فيه التباشير = له عني ولي عنـه مـده طويلـه
وقتٍ من اشغاله تـدوش التفاكيـر = حتـى نهـاره راح يطـوي بليلـه
لكـنّ جـو الليلـه ونوّهـا غيـر = يالله بوبـلٍ تحتـويـه المخيـلـه
يسقي ثرا قـاعٍ تلوفـه معاصيـر = جاله سنه واديه مـا سـال سيلـه
حتى تغيض وتكتسـي بالنواويـر = ولاذعذت تاخذ مـع النـود ميلـه
ويزين بدع القاف بين الشواعيـر = هذا بدعها سرد .. وهـذاك شيلـه
احـدٍ تغـزّل فالبنـي الغنـاديـر = ثم راح يشكي مـن همـومٍ تجيلـه
واحدٍ نصى مدحه جديد المواطيـر = مـاورّد اليابـان فآخـر مديـلـه
وانا قصيـدي قاصـده للمناعيـر = روس الرجال منومسيـن القبيلـه
شروا علي لاجات ورد ومصاديـر = هذاك ابن درويـش ينـدر مثيلـه
نسل الحـرار مبعديـن المشاويـر = صولاتهم في نجـد ماهـي قليلـه
ارماحهم فجـت جمـوع الطوابيـر = وسيوفهم تقصر بـروسٍ طويلـه
ياللي خذيت الطيب عز وسعاطيـر = زيزوم جيلـك يـوم كـلٍ وجيلـه
ماهو ضروري لجل اقول انك امير = يعني معك مركـز وختـمٍ تشيلـه
اصل الاماره فيك من يومك صغير = في دم شريانك سـوات الفصيلـه
لطيّب من الربـع مالـي معاذيـر = مدحه وجب يا هاجسـي واعنيلـه
لكن عسايه لا شمل مدحي مطيـر = يعبّر الخاطـر ويقطـف حصيلـه

المشاركة الأصلية كتبت بواسطة ساكب الحرف (المشاركة 421662) وانا قصيـدي قاصـده للمناعيـر روس الرجال منومسيـن القبيلـه شروا علي لاجات ورد ومصاديـر هذاك ابن درويـش ينـدر مثيلـه نسل الحـرار مبعديـن المشاويـر صولاتهم في نجـد ماهـي قليلـه ارماحهم فجـت جمـوع الطوابيـر وسيوفهم تقصر بـروسٍ طويلـه اخوي زياد المزرمي صح لسانك قصيده جزله ووافيه ويستاهل ابن درويش المدح شيخ ولد شيخ اعجبتني كثيرا القصيده هالايام قصائد المدح كثيره وبلاطعم ولاكن جائت قصيدتك بحبكة وقوة معنى من بدايتها (هاض الهجوس وسقت فيه التباشير ) وحنا بنسوق التباشير بقدوم شاعر بقوة سبك وحبك ومعنى وهذا ماننشده جميعا (له عني ولي عنه مده طويله ) عسى مايطول الغياب مره ثانيه لأن الشعراء اللذين بخاصية الاخ زياد نتعطش لجديدهم دائما فلا تحرمنا اخوي زياد من جديدك دمت بخير