|
جده دهمها السيل
جده دهمها السيل وأينك يابورأس=وأنته تقول إنك تحدى السيولي مانته لحالك معك في الشغل كم راس=حكرتوا الشغله ولا أنتم خبولي بعض العرب لو حاول النهب ينحاس=و نهبه على قده قليبه جفولي والبعض لامنه سرق يسرق الماس=ذئبٍ سنافيً محنًك ختولي شغل الامانه صار قصدير ونحاس=إخسوا عليكم حال جده يهولي وش عاد ينفع نضرب ارباع باخماس=الناس ماتوا والمباني طلولي تكفا يابو متعب عط المجرم الماس=ذابح له أمًه ذبحتين بحولي تعطون مليارات و بدون حراس=والشعب من بعض العطا ماينولي الشعب مخلص وأمركم له على الرآس=والشعب ينخى جعل عمرك يطولي |
رد: جده دهمها السيل
ترفع هذه القصيدة للمتابعه ولي عودة لها بإذن الله فهذه هي القصائد التي تحكي نبض الشارع
وصح لسانك يا أبوراكان |
رد: جده دهمها السيل
صح لسانك حمود ويامال العافيه على القصيده اللي تحكي الواقع المرير
|
رد: جده دهمها السيل
نعم حال جدة يحزن قلوبنا جميعاً
وما حدث حزن له البعيد والقريب إسال الله إن ينتقم للإنفس البريئه وصح لسانك أخوي حمود العتيبي |
رد: جده دهمها السيل
صح لسانك يا حموود
وجده عسى الله يفرج مصيبتها |
رد: جده دهمها السيل
صح لسانك اخوي ابوراكان على هالقصيده التي اتت مواكبة لحدث غرق أخواننا بجده الف شكر لك
على تفاعلك مع الحدث الكبير وهذا واجب على الجميع دمت بخير |
رد: جده دهمها السيل
الله يفزع لجده وأهلها ويرحمهم برحمته ويلطف فيهم ..
وصح لسانك أخوي حمود على هذا النص التفاعلي مع الأحداث المحزنه في عروس البحر الأحمر الحزينه .. |
رد: جده دهمها السيل
صح لسانك اخوي ع كل بيت كتبته
|
رد: جده دهمها السيل
صح لسانك اخوي حمود ويعطيك العافية
|
رد: جده دهمها السيل
ابن مصاول
صح بدنك وشاكر تلطفك بالحضور دمت بكل خير يالغالي |
| الساعة الآن 03:58 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
